Romanyon 1:16 - An Bibel Kernewek 20234 (Kernewek Kemmyn)

¹⁶ Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 1:16 ပူးပေါင်းရင်းမြစ်များ

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Salmow 119:46

My a gews a'th tustuniow a-dherag myghternedh, ha ny borthav meth.

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Yeremia 23:29

A nyns yw ow ger avel tan? yn-medh an Arloedh, hag avel morthol a derr karrek dhe demmyn?

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 9:26

Piwpynag ytho a'n jeffo meth ahanav vy ha'm lavarow, Mab an den a'n jevydh meth anodho pan dheffo yn y wolewder ev ha golewder an Tas ha'n eledh sans.

Yowann 7:35

Ena an Yedhewon a leveris an eyl dh'y gila, ‘Ple'th a an den ma, ma na yllyn y gavoes? A vynn ev mos dhe'n re skattrys yn mysk an Grekys, ha dyski dhe'n Grekys?

Oberow 3:26

Ragowgh hwi yn kynsa, Duw a dhrehevis y was, ha'y dhannvon rag agas benniga orth agas treylya dhe-ves, yn kettep penn, dhiworth agas drogoberow.’

Romanyon 10:17

Ytho fydh a dheuth a glewes, ha'n klewes dre eryow Krist.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Romanyon 15:29

ha my a woer, pan dhyffiv, y hwrav dos dhywgh yn leunder bennath Krist.

Romanyon 2:9

Galar hag ahwer a'n jevydh pub enev den a wra drog, an Yedhow yn kynsa ha'n Grek ynwedh,

Romanyon 4:11

Ev a'n jeva an tokyn a drodreghyans a-wosa, sel a'n ewnder a'n jevo seulabrys dre fydh hag ev hwath antrodreghys; may fo gwrys tas peub eus ow krysi kyn fo antrodreghys; may fo ewnder akontys dhedha i ynwedh.

1 Korinthianys 15:2

keffrys mayth owgh selwys dredhi, mar synsowgh yn fast an ger a bregewthis dhywgh, marnas yn euver y kryssowgh.

1 Korinthianys 2:2

Rag my a erviras na wodhyen travyth yn agas mysk marnas Yesu Krist hag ev krowsys.

1 Korinthianys 2:4

hag ow hows ha'm negys ny veu res dre dennvos geryow a skentoleth, mes yn diskwedhyans a'n Spyrys hag a nerth,

1 Korinthianys 9:12

Mar kevrenn re erell an gwir ma warnowgh, a ny wren ni hwath dhe voy? Byttegyns, ny wrussyn devnydh a'n gwir ma, mes ni a berth pup-tra kyns es gorra lett yn fordh aweyl Krist.

1 Korinthianys 9:18

Pyth, ytho, yw ow gober? Hemma: ha my ow pregoth, my a yll gul dhe'n aweyl bos heb kost vyth, ha my heb gul devnydh kowal a'm gwir y'n aweyl.

2 Korinthianys 2:12

Pan dheuth vy dhe Troas rag aweyl Krist, daras a veu igerys dhymm gans an Arloedh;

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 9:13

yn prov an menystrans ma hwi a wordh Duw dre wostytter agas avowans a aweyl Krist, ha der agas helder ow kevrenna gansa ha gans tus oll,

Galatianys 1:7

– mes nyns eus aweyl arall, marnas yma tus neb a wra agas ankombra hag ow mynnes dihevelebi aweyl Krist;

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

1 Timothi 1:11

war-lergh aweyl splannder an Duw benniges, a veu res y'm charj.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 1:16

Re dhiskwettho an Arloedh tregeredh dhe deylu Onesiforus rag ev a'm cheryas yn fenowgh ha ny borthas meth a'm kargharow,

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

1 Peder 4:16

Mes mar kodhev avel Kristyon, na berthes meth, mes gwres ev gordhya Duw y'n hanow ma.