Romanyon 1:13 - An Bibel Kernewek 20234 (Kernewek Kemmyn)

¹³ Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 1:13 ပူးပေါင်းရင်းမြစ်များ

Ysay 27:6

Y'n termyn a dheu, gwreydhya a wra Yakob, Ysrael a egin ha bleujyowa ha lenwel enep an nor a frut.

Yowann 12:24

Yn hwir, yn hwir y lavarav dhywgh, marnas hasenn a ys a goedh dhe'n dor ha merwel, hi a bes hy honan; mes mar merow, hi a dheg meur a frut.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 4:36

An myser a gyv y arveth, hag a guntell frut rag bewnans heb diwedh, rag may lowenhaho war-barth an haser ha'n myser.

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 14:27

Ha pan ens i devedhys i a guntellas war-barth an eglos ha derivas an taklow re wrussa Duw dredha, ha fatell igorsa daras a fydh dhe'n Jentilys.

Oberow 15:12

Oll an routh a dewis, ha klewes Barnabas ha Powl ow terivas pana doknys ha marthusyon a wrug Duw yn mysk an Jentilys dredha.

Oberow 19:21

Pan veu kollenwys an taklow ma, ervirys o Powl yn y spyrys mos dhe Yerusalem, ow tremena dre Makedonia hag Aghaia, hag ev a leveris, ‘Wosa mos di, y koedh dhymm gweles Rom ynwedh.’

Oberow 21:19

Wosa aga salusi ev a dherivas onan hag onan an taklow re wrussa Duw yn mysk an Jentilys der y venystrans ev.

Oberow 28:14

may kevsyn breder, ha ni a veu gelwys gortos gansa seyth dydh. Hag y'n for' ma ni a dheuth dhe Rom.

Romanyon 1:12

hemm yw, rag may fyn ni kennerthys an eyl gans fydh y gila, keffrys agas fydh hwi hag ow fydh vy.

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

Romanyon 7:1

A ny wodhowgh, a vreder – rag yth esov ow kewsel dhe re a woer an lagha – bos dhe'n lagha maystri war dhen unnsel hedre vo bew?

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

1 Korinthianys 10:1

Ny vynnav, breder, hwi dhe vos heb godhvos bos agan tasow oll yn-dann an gommolenn, hag i oll a dremenas der an mor,

1 Korinthianys 12:1

Lemmyn, a-dro dhe daklow spyrysel, breder, ny vynnav orthowgh bos heb godhvos.

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

1 Korinthianys 14:26

Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

1 Korinthianys 9:2

Mar nyns ov abostol dhe re erell, devri dhywgh hwyhwi yth ov; rag yth owgh hwi sel ow abostolieth y'n Arloedh.

2 Korinthianys 1:8

Rag ny vynnyn hwi dhe vos heb godhvos, breder, a-dro dh'agan galar pan esen ni yn Asia; beghys dres eghenn en ni, dres nerth, mayth esa dhyn desper a vewnans y honan;

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

Galatianys 3:15

A vreder, my a gews herwydh ensampel den a'n bys ma. Kemmynnskrif neb den, pan vo fastys, ny'n defend denvyth, na ny worr denvyth gorhemmynnow erell ynno.

Galatianys 6:18

Re bo gras agan Arloedh Yesu Krist gans agas spyrys, a vreder. Amen.

Filippianys 1:22

Mes bewa y'n kig, hemm yw frut ow ober, ha ny wonn pandr'a vynnav dewis.

Filippianys 4:17

Nyns yw my dhe hwilas an ro; mes my a hwila an frut owth ynkressya dh'agas reken.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

1 Thessalonianys 2:18

Rakhenna, ni a vynna dos dhywgh hwi, my Powl unnweyth ha diwweyth, ha Satnas a'gan lettyas.

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

2 Thessalonianys 2:7

Rag kevrin an fara dilagha a ober seulabrys. Mes ny wra an fronn lettya marnas poran y'n eur ma, bys mayth ello dhe-ves.

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.