Oberow 9:39 - An Bibel Kernewek 20234 (Kernewek Kemmyn)

³⁹ Ytho Peder a sevis yn-bann ha mos gansa; pan dhothya, i a'n ledyas yn-bann dhe'n stevell wartha, ha'n gwedhwesow oll a sevis rybdho, owth oela hag ow tiskwedhes krysyow ha dillas re wrussa Dorkas ha hi gansa.

Oberow 9:39 ပူးပေါင်းရင်းမြစ်များ

2 Samuel 1:24

A vyrghes Ysrael, oelewgh rag Sowl, neb a'gas dillesas gans pann kogh, gans taklow fethus, hag a worras tegennow a owr war agas dillas.

Lavarow Koth 10:7

Kovadh an den gwiryon yw bennath, mes hanow an debeles a boder.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Matthew 17:17

Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’

Matthew 26:11

Hwi a gyv an voghosogyon pub eur genowgh, mes my ny'm gevowgh pup-prys.

Mark 14:8

Hi re wrug kemmys a ylli; hi re dheuth kyns an termyn rag untya ow horf rag ynkleudhyans.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Yowann 12:8

Rag hwi a gyv an voghosogyon pub eur genowgh, mes my ny'm kevowgh pup-prys.’

Yowann 17:12

Pan esen gansa, my a's synsis y'th hanow jy hag a resys dhymm, ha my a's gwithas, ha ny veu denvyth anedha kellys, marnas an mab a dhiswrians, may fe kollenwys an skryptor.

Oberow 1:13

Ha pan entersens, i eth yn-bann dhe stevell an soler mayth esens i trigys, Peder ha Yowann ha Jamys hag Androw, Felip ha Tommas, Bertyl ha Matthew, Jamys mab Alfeus ha Simon Zelotes ha Yudas mab Jamys.

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Oberow 6:1

Lemmyn y'n dydhyow ma, ha niver an dhyskyblon ow kressya, yth esa krodhvol gans an Hellenistyon war an Ebrowyon, drefenn bos aga gwedhwesow gesys a-denewen y'n lesrannans pub dydh oll.

Oberow 8:2

Gwer gryjyk a ynkleudhyas Stefan ha gul dresto oelva veur.

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

1 Timothi 5:3

Gwra enora gwedhwesow yw gwedhwesow yn hwir.

1 Timothi 5:5

Neb yw gwedhwes wir, neb re beu gesys hy honan, re settyas hy govenek war Dhuw, ow pesya yn govynnadow ha pysadow dydh ha nos.

1 Yowann 3:18

A fleghigyow, na geryn yn ger nag yn taves, mes yn ober hag yn gwirder.