Oberow 9:31 - An Bibel Kernewek 20234 (Kernewek Kemmyn)

³¹ Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Oberow 9:31 ပူးပေါင်းရင်းမြစ်များ

1 Kroniklys 22:18

‘A nyns usi an Arloedh agas Duw genowgh? Hag ev re ros powes dhywgh a bub tenewen? Rag ev re dhelivras trigoryon an pow yn ow leuv, hag yma'n pow fethys a-rag an Arloedh ha'y bobel.

1 Kroniklys 22:9

Awotta, mab a vydh genys dhis; ev a vydh gour a bowes ha my a re dhodho powes dhiworth oll y eskerens a-dhedro. Y hanow a vydh Solomon, ha my a re kres ha diogeledh dhe Ysrael yn y dhydhyow.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 86:11

Dysk dhymm dha fordh, A Arloedh, ha my a gerdh y'th wirder; lowenhes ow holonn, mayth ownniv dha hanow.

Salmow 94:13

rag may rylli dhodho powesva dhiworth dydhyow anken, erna vo an pytt kleudhys rag an tebelwas.

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Lavarow Koth 23:17

Na as dha golonn dhe berthi avi a beghadoryon, mes bes yn own an Arloedh oll an jydh.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Zekaria 8:20

Yndellma y lever Arloedh an luyow: Hwath poblow a dheu, ha trigoryon lies sita;

Oberow 12:24

Mes ger Duw a devi ha kressya.

Oberow 16:5

Ytho an eglosyow a veu krevhes y'n fydh ha kressya yn aga niver pub dydh.

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 20:32

Ha lemmyn my a'gas kommend dhe Dhuw ha dhe er y ras, a yll drehevel ha ri an eretons yn mysk oll an re sanshes.

Oberow 5:11

Hag own meur a dheuth war oll an eglos ha war oll an re a glewas a'n taklow ma.

Oberow 6:7

Ha ger Duw a devis, ha niver an dhyskyblon yn Yerusalem a veu kressys meur, hag yth esa routh vras a'n oferysi ow tos ha bos gostydh dhe'n fydh.

Oberow 8:1

Hag yth esa Sowl owth assentya dh'y ladhva. Hag y'n jydh na yth esa helghyans meur erbynn an eglos yn Yerusalem, hag i oll a veu skattrys dres an powyow a Yudi ha Samaria, marnas an abesteli.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 14:19

Holyn ytho taklow a gres ha'n taklow may trehav dredha an eyl y gila.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

1 Korinthianys 14:12

Yndella hwi ynwedh; a-ban owgh hwi ter rag rohow an Spyrys, hwilewgh may fo dhywgh pals anedha, rag drehevyans an eglos.

1 Korinthianys 14:26

Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

2 Korinthianys 10:8

Rag kyn fostiv nebes re a-dro dh'agan awtorita hag a ros an Arloedh dhyn rag agas drehevyans, a-der agas terri dhe'n leur, ny'm bydh meth anodho.

2 Korinthianys 12:19

Seulabrys y tybowgh ni dhe omaskusya dhywgh. A-rag Duw ni a gews yn Krist; mes pup-tra, karadowyon, yw a-barth agas drehevyans.

2 Korinthianys 13:10

Rakhenna my a skrif an traow ma, ha my dhe-ves ahanowgh, ma na dhyghtiv yn asper herwydh an awtorita a veu res dhymm gans an Arloedh rag drehevyans, a-der rag diswrians.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Efesianys 4:12

rag darbari an syns dhe hwel menystrans, dhe dhrehevyans korf Krist,

Efesianys 4:16

dhiworth neb, an korf dien, junys ha synsys war-barth dre bub giowenn ow skoedhya war-lergh oberyans 'vas pub rann, a wra dhe'n korf tevi, rag y dhrehevyans yn kerensa.

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Efesianys 5:21

Bedhewgh gostydh an eyl dh'y gila yn own Krist.

Dewteronomi 12:10

Mes pan dreusowgh an Yordan ha triga y'n tir a wra an Arloedh agas Duw y ri dhywgh dh'y erita, ha pan re powes dhywgh dhiworth oll agas eskerens a-derdro, hwi a drig yn sawder.

Filippianys 2:1

Ytho, mars eus konfort yn Krist, mars eus solas kerensa, mars eus kowethyans a'n Spyrys, mars eus pitedh ha truedh,

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

1 Timothi 1:4

ha na wrellons vri a hwedhlow hag aghskrifow heb worfenn, ow skila disput moy es dyskans duwel, yw dre fydh.

Ebrowyon 4:9

Ytho yma powes an sabot gesys hwath rag pobel Duw;

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Lyther Yud 1:20

Mes hwi garadowyon, owth omdhrehevel agas honan der agas fydh sansella, ow pysi y'n Spyrys Sans,

Breusysi 3:30

Ytho Moab a veu fethys y'n jydh na yn-dann leuv Ysrael. Ha'n tir a'n jevo powes peswar-ugens blydhen.