Oberow 8:28 - An Bibel Kernewek 20234 (Kernewek Kemmyn)

²⁸ hag yth esa ow tehweles, esedhys yn y jarett, hag ow redya an profoes Ysay.

Oberow 8:28 ပူးပေါင်းရင်းမြစ်များ

Salmow 119:111

My re gemmeras dha dhustuniow yn ertach bys vykken, rag lowena ow holonn yns i.

Salmow 119:99

My a gonvedh moy ages ow dyskadoryon oll, rag my a breder yn town a'th tustuniow.

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Luk 3:4

kepar dell yw skrifys yn lyver geryow Ysay an profoes, ‘Lev onan ow kria y'n gwylvos, “Pareusewgh fordh an Arloedh, gwrewgh kompes y hynsyow ev.

Luk 4:17

Hag y feu res dhodho lyver an profoes Ysay, ha wosa dirolya an lyver ev a gavas an tyller mayth o skrifys,

Oberow 28:25

Hag ow tisputya an eyl orth y gila, i a dhallathas omdenna, heb bos yn akord an eyl gans y gila, wosa Powl dhe leverel unn ger diwettha, ‘Yn ewn y kewsis an Spyrys Sans der an profoes Ysay orth agas tasow, ow leverel,

Oberow 8:27

Ytho ev a sevis ha mos. Hag otta, gour a Ethiopia, spadhesik, lyswas Kandake, myghternes tus Ethiopia, dhe neb esa charj dres hy thresor oll, re dhothya dhe Yerusalem rag gordhya,

Oberow 8:29

Hag yn-medh an Spyrys dhe Felip, ‘Ke, gwra nesa ha junya gans an charett ma.’

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.