Oberow 8:1 - An Bibel Kernewek 20234 (Kernewek Kemmyn)

¹ Hag yth esa Sowl owth assentya dh'y ladhva. Hag y'n jydh na yth esa helghyans meur erbynn an eglos yn Yerusalem, hag i oll a veu skattrys dres an powyow a Yudi ha Samaria, marnas an abesteli.

Oberow 8:1 ပူးပေါင်းရင်းမြစ်များ

Nehemia 6:3

Ha my a dhannvonas kannasow dhedha, ow leverel, ‘Yth esov ow kul ober meur ha ny allav dos yn-nans. Prag y hedh an ober ha my orth y asa hag ow tos yn-nans dhywgh?’

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Daniel 6:23

Ena yth o an myghtern lowen dres eghenn ragdho, hag ev a worhemmynnis may fe Daniel tennys dhiworth an fow. Ytho Daniel a veu tennys dhiworth an fow, ha ny veu kevys pystik vyth warnodho, rag ev dhe drestya yn y Dhuw.

Matthew 22:6

Ha'n re erell a dhalghennas y gethwesyon hag a's tebeldhyghtyas ha'ga ladha.

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Matthew 5:13

‘Hwi yw hoelan an bys; mes mar kollas an hoelan y vlas, py ganso y fydh ev sellys? Nyns yw 'vas na fella dhe dravyth marnas dhe vos tewlys dhe-ves ha trettys gans tus.

Yowann 15:20

Perthewgh kov a'n ger a gewsis dhywgh: Nyns yw an kethwas brassa es y vester. Mar kwrussons ow helghya vy, i a'gas helgh hwi ynwedh; mar kwrussons gwitha ow ger vy, ynwedh i a with agas ger hwi.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 13:1

Lemmyn y'n eglos yn Antiogh yth esa profoesi ha dyskadoryon, Barnabas, Simeon henwys Niger, Lukius a Kyrene ha Manaen koweth Herod an tetrargh a'y flogholeth, ha Sowl.

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 22:20

Ha pan veu skoellys goes dha dhustunier Stefan, yth esen evy ow sevel yn ogas owth assentya hag ow kwitha dillas an re esa orth y ladha.”

Oberow 26:10

Hag yn tevri my a wrug hemma yn Yerusalem; ha pan dhegemmersen awtorita dhiworth an bennoferysi my a geas yn prison meur a'n syns, ha pan vons dampnys dhe'n mernans my a dewlis ow raglev er aga fynn,

Oberow 5:18

hag i a dhalghennas an abesteli ha'ga gorra y'n prison kemmyn.

Oberow 5:20

‘Kewgh, sevewgh y'n tempel ha kewsewgh dhe'n bobel oll an geryow a'n bewnans ma.’

Oberow 5:33

Ha pan glewsons hemma, i a veu serrys meur, ha mynnes aga ladha.

Oberow 5:40

ha pan alwsens an abesteli, i a's kronkyas hag erghi dhedha na gowssens yn hanow Yesu, ha'ga livra.

Oberow 7:38

Hemm yw neb esa y'n kuntelles y'n gwylvos gans an el a leveris dhodho yn menydh Sinay, ha gans agan tasow; hag ev a dhegemmeras lavarow bew dhe ri dhyn,

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.

Oberow 7:58

Ena i a'n tewlis mes a'n sita ha'y labydha; ha'n dhustunioryon a worras aga dillas orth treys gour yowynk henwys Sowl.

Oberow 8:14

Ha'n abesteli yn Yerusalem, pan glewsons Samaria dhe dhegemmeres ger Duw, a dhannvonas dhedha Peder ha Yowann,

Oberow 8:2

Gwer gryjyk a ynkleudhyas Stefan ha gul dresto oelva veur.

Oberow 8:4

Lemmyn an re a veu skattrys eth a-derdro, ow pregoth an ger.

Oberow 8:5

Mes Felip eth yn-nans dhe'n sita a Samaria ha pregoth dhedha an Krist,

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Filippianys 1:12

A vreder, my a vynn hwi dhe wodhvos, an taklow re hwarva dhymm dhe dreylya yn hwir dhe avonsyans an aweyl,

Ebrowyon 11:27

Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.