Oberow 7:35 - An Bibel Kernewek 20234 (Kernewek Kemmyn)

³⁵ ‘An Moyses ma, neb a naghsons, ow leverel, “Piw a'th ordenas bos rewler ha breusyas?” Duw a'n dannvonas dhe vos ha rewler ha selwyas dre leuv an el neb a omdhiskwedhas dhodho y'n bos.

Oberow 7:35 ပူးပေါင်းရင်းမြစ်များ

Salmow 75:7

Mes Duw yw an breusyas; ev a iselha unn den hag ughelhe den arall.

Salmow 77:20

Ty a hembronk dha bobel avel deves dre leuv Moyses hag Aron.

Eksodus 14:19

Ena el Duw, neb eth a-rag kamp Ysrael, a removas ha mos war aga lergh; an goloven a gommol a veu removyes a-dheragdha ha sevel a-dryv dhedha,

Eksodus 14:24

Hag yn goel an myttin an Arloedh y'n goloven a dan ha kommol a viras war-woeles war lu an Ejyptianys, ha gorra lu an Ejyptianys yn deray,

Eksodus 2:14

Hag yn-medh ev, ‘Piw a'th wrug penntern ha breusyas warnan? A wredh ow ladha par dell ledhsys an Ejyptyan?’ Hag own a'n jevo Moyses ow leverel, ‘Yn sur, an dra yw aswonnys.’

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Eksodus 33:2

Ha my a wra dannvon el a-ragos ha my a wra gorra dhe-ves an Kananysi, an Amorysi, an Hittysi, an Perizzysi, an Hivysi ha'n Yebusysi.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Niverow 20:16

Ha pan grisyn war an Arloedh, ev a glewas agan lev, ha dannvon el, ha'gan dri yn-mes a Ejyp; hag ottani yn Kadesh, sita war amal dha diredh.

Mark 12:26

Hag a-dro dhe'n re varow, i dhe vos drehevys, a ny redsowgh yn lyver Moyses, a-dro dhe'n bos, fatell gewsis Duw dhodho, ow leverel, My yw Duw Abraham, ha Duw Ysak, ha Duw Yakob?

Luk 19:14

Mes y sojets a wre y gasa hag i a dhannvonas kannasow war y lergh ow leverel, “Ny vynnyn an den ma dhe vos myghtern warnan.”

Yowann 18:40

Ena i a armas arta, ow leverel, ‘Na wra delivra an den ma, mes Barabbas.’ Lemmyn Barabbas o lader.

Yowann 19:15

Ytho i a armas, ‘Kemmer e dhe-ves, kemmer e; krowsy e!’ Yn-medh Pilat dhedha, ‘A wrav vy krowsya agas myghtern?’ An bennoferysi a worthybis, ‘Nyns eus dhyn myghtern marnas Sesar.’

Oberow 2:36

Rakhenna, godhvydhes oll chi Ysrael diogel, Duw re'n gwrug hag Arloedh ha Krist, an keth Yesu ma a growssowgh hwi.’

Oberow 3:22

Yn tevri, Moyses a leveris, “An Arloedh agas Duw a dhrehav ragowgh profoes dhiworth agas breder, avelov vy; hwi a wra goslowes orto yn pup-tra a lavarro dhywgh.

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Oberow 7:30

‘Lemmyn pan o tremenys dew-ugens blydhen, el a omdhiskwedhas dhodho yn gwylvos menydh Sinay yn flamm bos ow tewi.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Kolossianys 1:15

Imaj yw ev a'n Duw diwel, an kynsa-genys a greasyon oll;

Ebrowyon 2:2

Rag mars o fyrv an ger kewsys gans an eledh, ha mar tegemmeri pub kammweyth po diwostytter attal ewn,

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.

1 Samuel 12:8

Pan veu Yakob devedhys yn Ejyp ha'gas tasow a armas dhe'n Arloedh, ena an Arloedh a dhannvonas Moyses hag Aron, neb a dhros agas tasow yn-mes a Ejyp, ha'ga settya y'n tyller ma.