Oberow 6:9 - An Bibel Kernewek 20234 (Kernewek Kemmyn)

⁹ Mes rann a'n re esa dhe synaga an Rydhyon, dell o henwys, tus a Kyrene, hag Aleksandria, ha tus dhiworth Kilikia hag Asia, a sevis hag argya orth Stefan,

Oberow 6:9 ပူးပေါင်းရင်းမြစ်များ

Matthew 10:17

Mes omwithewgh rag tus; rag i a'gas daskorr dhe gonselyow ha'gas skorjya yn aga synagys;

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Matthew 27:32

Hag ow mos yn-mes, i a gavas den a Kyrene, henwys Simon; i a wrug y gonstryna dhe dhoen y grows.

Mark 13:9

‘Mes bedhewgh war ragowgh agas honan; rag i a wra agas daskorr dhe gonselyow, hag y'n synagys hwi a vydh kronkys, ha hwi a vydh settys a-rag governours ha myghternedh a-barth dhymmo vy, yn dustuni er aga fynn.

Luk 21:12

‘Mes kyns hemma oll dhe hwarvos, i a dewl aga diwla warnowgh ha'gas helghya; i a'gas daskorr dhe'n synagys ha dhe brisonyow, hembrenkys dhe-ves a-rag myghternedh ha governours a-barth ow hanow vy.

Oberow 11:20

Mes rann anedha o gwer Kyprus ha Kyrene neb a dheuth dhe Antiogh ha kewsel orth an Hellenistyon ynwedh, ow pregoth an Arloedh Yesu.

Oberow 13:1

Lemmyn y'n eglos yn Antiogh yth esa profoesi ha dyskadoryon, Barnabas, Simeon henwys Niger, Lukius a Kyrene ha Manaen koweth Herod an tetrargh a'y flogholeth, ha Sowl.

Oberow 13:45

Mes pan welsons an routhow, an Yedhewon a veu lenwys a avi, hag i a gontradias, ow kewsel blasfemi erbynn an pyth a veu leverys gans Powl.

Oberow 15:23

ha gansa an skrif ma: ‘An abesteli ha'n henavogyon, agas breder, dhe'n vreder a'n Jentilys dres Antiogh ha Syria ha Kilikia, salusyans.

Oberow 15:41

hag ev eth dre Syria ha Kilikia, ow krevhe an eglosyow.

Oberow 16:6

Hag i eth dre rannvro Frygia ha Galatia, lettys gans an Spyrys Sans rag kewsel an ger yn Asia.

Oberow 18:24

Hag y teuth dhe Efesus unn Yedhow henwys Apollos, genesik a Aleksandria, gour freth ha skentel y'n skryptors.

Oberow 19:10

Hemma eth yn-rag dres diw vlydhen, may klewas oll trigoryon Asia ger an Arloedh, ha Yedhewon ha Grekys.

Oberow 19:26

ha lemmyn, dell welowgh ha klewes, hag yn Efesus keffrys hag yn oll Asia ogasti, an Powl ma re dreylyas ha dynya routh veur, ow leverel a-dro dhe dhuwow gwrys gans diwla, nag yns duwow mann.

Oberow 21:27

Lemmyn, pan veu ogas kowlwrys an seyth dydh, an Yedhewon dhiworth Asia, orth y weles y'n tempel, a worras yn deray oll an routh, ha'y dhalghenna,

Oberow 21:39

Ha Powl a leveris, ‘Yedhow a Tarsus yn Kilikia ov vy, burjes a sita nag yw isel, ha my a'th pys, gas vy dhe gewsel orth an bobel.’

Oberow 22:19

Hag yn-medhav, “Arloedh, i a woer ow bos ow prisonya hag ow kweskel yn pub synaga an re a grysis ynnos.

Oberow 22:3

‘Yedhow ov vy, genys yn Tarsus yn Kilikia, mes meythrys y'n sita ma, dyskys orth treys Gamaliel, straght herwydh lagha agan tasow, diwysyk rag Duw kepar ha hwi oll hedhyw.

Oberow 23:34

Hag ow redya an lyther ev a wovynnas py rannvro y teuth anodho, ha pan dhyskas y vos a Kilikia

Oberow 24:18

Ha my ow kul hemma, i a'm kavas y'n tempel wosa ow glanheans, naneyl gans routh na gans deray,

Oberow 26:11

owth assaya aga ynnia dhe wul blasfemi; ha my a's kessydhyas yn fenowgh dres oll an synagys, hag y'm sorr konneryek er aga fynn my a's helghyas bys yn sitys estren.

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

1 Korinthianys 1:20

Ple'ma'n den fur? Ple'ma'n den konnyk y'n lagha? Ple'ma'n dadhlor a'n oes ma? A ny wrug Duw dhe skentoleth an bys bos foll?

Galatianys 1:21

Ena my a dheuth dhe ranndiryow Syria ha Kilikia.