Oberow 5:12 - An Bibel Kernewek 20234 (Kernewek Kemmyn)

¹² Lemmyn dre dhiwla an abesteli meur a doknys ha marthusyon a hwarva yn mysk an bobel; hag yth esens oll war-barth yn Portal Solomon;

Oberow 5:12 ပူးပေါင်းရင်းမြစ်များ

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Yowann 10:23

Hag yth esa Yesu ow kerdhes y'n tempel, yn portal Solomon.

Yowann 4:48

Ytho yn-medh Yesu dhodho, ‘Marnas hwi a wel toknys ha marthusyon, ny grysowgh.’

Oberow 1:14

Oll an re ma gans unn akord a omri dhe bysadow, gans an benynes ha Maria mamm Yesu ha gans y vreder.

Oberow 14:3

Rakhenna hirneth i a wortas, ow kewsel yn hardh rag an Arloedh neb a dhustunias dhe er y ras, ow kul dhe doknys ha marthusyon hwarvos der aga diwla.

Oberow 16:18

Hi a wre hemma lies dydh. Mes Powl eth ha bos anniys meur, hag ow treylya ev a leveris dhe'n spyrys, ‘My a'th ergh yn hanow Yesu Krist dos yn-mes anedhi.’ Hag ev a dheuth yn-mes y'n keth eur na.

Oberow 19:11

Ha Duw a wrug oberow marthys dres eghenn dre dhiwla Powl,

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

Oberow 28:9

Wosa hemma, an re erell y'n ynys ha gansa klevesow a dheuth ynwedh ha bos sawys.

Oberow 3:11

Hag ev ow synsi Peder ha Yowann, an dus oll, meur aga marth, a boenyas war-barth dhedha dhe'n golovenva henwys Portal Solomon.

Oberow 4:30

ha ty owth ystynn dha leuv rag yaghhe, may fo gwrys toknys ha marthusyon dre hanow dha was sans Yesu.’

Oberow 9:33

Ena ev a gavas unn den henwys Ayneas, neb re bia a'y wrowedh war weli eth blydhen, rag palsyes ova.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

2 Korinthianys 12:12

Yn hwir, toknys abostol a veu oberys yn agas mysk gans perthyans meur, dre doknys ha dre varthusyon ha der oberow galloesek.

Ebrowyon 2:4

ha Duw a dhustunias ynwedh der toknys ha dre varthusyon ha dre wriansow nerthek a bub eghenn ha dre rohow an Spyrys Sans rynnys herwydh y vodh y honan.