Oberow 26:29 - An Bibel Kernewek 20234 (Kernewek Kemmyn)

²⁹ Hag yn-medh Powl, ‘Spys po berr po hir, my a bys Duw, ty hag ynwedh keniver a'm glew hedhyw mayth ellons ha bos kepar ha my, marnas an chaynys ma.’

Oberow 26:29 ပူးပေါင်းရင်းမြစ်များ

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

2 Myghternedh 5:3

Hi a leveris dh'y mestres, ‘Unnweyth a pe ow arloedh gans an profoes usi yn Samaria! Ev a'n yaghhasa a'y lovryjyon.’

Eksodus 16:3

ow leverel dhedha, ‘Unnweyth a marwen orth leuv an Arloedh yn pow Ejyp, pan en esedhys ryb an sethow-kig ha pan dhybryn bara dhe walgh! rag hwi re'gas dros yn-mes dhe'n gwylvos ma dhe ladha an gemmynieth oll dre nown.’

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 38:20

Mes Yeremia a leveris, ‘Ny'th telivrons. Goslow, my a'th pys, orth lev an Arloedh a gowsav dhis, hag y fydh da genes, ha'th enev a vew.

Niverow 11:29

Mes Moyses a leveris dhodho, ‘A berthydh avi a'm govis vy? A pe pobel oll an Arloedh profoesa, may hworro an Arloedh y spyrys warnedha!’

Yowann 5:34

Mes ny dhegemmerav an dustuni dhiworth den, mes my a lever hemma rag may fowgh hwi selwys.

Oberow 12:6

Pan o Herod parys dh'y dhri yn-rag, y'n nos na yth esa Peder ow koska yntra dew souder, kelmys gans dew jayn, hag yth esa gwithysi dherag an daras ow kwitha an prison.

Oberow 21:33

Ena ow tos nes, an tribun a settyas dalghenn ynno ha gorhemmynna may fe kelmys gans dew jayn, ha govynn piw o, ha pyth re wrussa.

Oberow 25:14

Ha drefenn i dhe wortos ena lies dydh, Festus a worras a-dherag an myghtern an maters a-dro dhe Powl, ow leverel, ‘Yma unn gour, gesys prisner gans Feliks,

Romanyon 10:1

A vreder, yeunes ow holonn ha'm pysadow dhe Dhuw yw rag selwyans dhedha.

1 Korinthianys 4:8

Y'n eur ma lenwys owgh hwi! Y'n eur ma deuvewgh ha bos rych! A-der ni, hwi re dheuth ha bos myghternedh! Hag unnweyth a pewgh hwi myghternedh yn hwir, may kesreynnyen ni genowgh!

1 Korinthianys 7:7

Hwans a'm beus pub den oll dhe vos avelov vy ow honan; mes yma gans peub y ro arbennik y honan dhiworth Duw; an eyl a'n jeves hemma, y gila henna.

2 Korinthianys 11:1

Unnweyth a'm godhaffewgh nebes y'm follneth! mes yn tevri yth esowgh orth ow kodhevel.

Efesianys 6:20

Rygdhi kannas yn chaynys ov vy, may hylliv hy derivas yn hardh dell goedh dhymm kewsel.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.