Oberow 25:7 - An Bibel Kernewek 20234 (Kernewek Kemmyn)

⁷ Pan dheuth ev, an Yedhewon re dhothya yn-nans dhiworth Yerusalem a sevis a-dro dhodho ha dri orto lies kuhudhans poes, na allsons previ.

Oberow 25:7 ပူးပေါင်းရင်းမြစ်များ

Ezra 4:15

may hwiller yn lyver kovadhow dha dasow: yndella ty a gyv yn lyver an kovadhow, ha dyski bos an sita ma sita dhiwostydh, hag a wra pystiga myghternedh ha rannvroyow, hag rebellyans re sordyas ynni a-henys: rakhenna an sita ma a veu difeythys.

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Salmow 27:12

Na'm ro vy dhe vynnas ow eskerens; rag fals dhustuniow re sevis er ow fynn, ha'n re a gews yn hager.

Salmow 35:11

Fals dhustuniow a sev; i a wovynn dhiworthiv taklow nag aswonnav.

Matthew 15:1

Ena Fariseow ha skribys a Yerusalem a dheuth dhe Yesu ow leverel,

Luk 23:10

Ha'n bennoferysi ha'n skribys a sevi ena orth y guhudha yn fen.

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Oberow 21:28

ow karma, ‘Gwer Ysrael, gweresewgh! Hemm yw an den usi ow tyski dhe bubonan yn pub le erbynn an bobel ha'n lagha ha'n tyller ma, ha moy es henna, ev re dhros Grekys y'n tempel hag ev re dhisakras an tyller sans ma.’

Oberow 24:13

na ny yllons i gul prov dhis a-dro dhe'n taklow ma'm kuhudhons lemmyn.

Oberow 25:24

Ha Festus a leveris, ‘Myghtern Agrippa, hag oll an wer eus omma genen ni, hwi a wel an den ma, hag a-dro dhodho oll an gemmynieth yedhowek a'm pysis, hag y'n Yerusalem hag omma, ow kria na dhelledh ev dhe vewa na fella.

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.