Oberow 25:16 - An Bibel Kernewek 20234 (Kernewek Kemmyn)

¹⁶ My a worthybis dhedha nag yw usadow Romanek daskorr denvyth kyns an den kuhudhys dhe vetya orth y guhudhysi fas orth fas, ha dhe gavoes spas dhe wul defens a-dro dhe'n kuhudhans.

Oberow 25:16 ပူးပေါင်းရင်းမြစ်များ

Jenesis 39:19

Pan glewas y arloedh geryow y wreg hag a gewsis hi dhodho, ow leverel, ‘War-lergh an taklow ma y hwrug dha gethwas dhymm’, y sorr a dhewis.

Lavarow Koth 18:13

Neb a worthyp kyns ev dhe glewes – hemm yw follneth ha sham.

Lavarow Koth 18:17

Neb a brov y gen yn kynsa a hevel gwir, bys pan dheffo an plentyas ha'y worthapposya.

Luk 12:11

Ha pan y'gas drons a-rag synagys ha rewloryon ha tus awtorita, na vedhewgh prederus fatell bledyowgh agas ken, na pandr'a leverowgh;

Yowann 7:51

‘A wra agan lagha breusi den heb goslowes orto kyns, ha godhvos pandr'a wra?’

Oberow 23:30

Ha pan veu derivys dhymm bos bras erbynn an gour, a-dhistowgh my a'n dannvonas dhis, ha gorhemmynna dhe'n guhudhoryon leverel a-ragos pandr'eus gansa er y bynn.’

Oberow 23:35

ev a leveris, ‘My a wra goslowes orthis pan dheu dha guhudhoryon ynwedh.’ Ena ev a worhemmynnis may fe synsys yn pretorium Herod.

Oberow 26:1

Yn-medh Agrippa dhe Powl, ‘Kummyas yw res dhis a gewsel a-barth dhis dha honan.’ Ena Powl a ystynnas y leuv ha gul y dhefens:

Dewteronomi 17:4

pan yw derivys dhis, ha ty a glew anodho, ena gwra y hwithra gans rach. Hag otta, mar pydh an dra fastys dhe wir, y feu an dra gasadow ma gwrys yn Ysrael,