Oberow 25:12 - An Bibel Kernewek 20234 (Kernewek Kemmyn)

¹² Ena Festus, wosa ev dhe omgusulya gans y gonsel, a worthybis, ‘Ty re elwis orth Sesar; a-rag Sesar ty a wra mos.’

Oberow 25:12 ပူးပေါင်းရင်းမြစ်များ

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Matthew 22:17

Lavar dhyn ytho pyth yw dha vreus: yw lafyl ri trubyt dhe Sesar, po nag yw?’

Oberow 19:21

Pan veu kollenwys an taklow ma, ervirys o Powl yn y spyrys mos dhe Yerusalem, ow tremena dre Makedonia hag Aghaia, hag ev a leveris, ‘Wosa mos di, y koedh dhymm gweles Rom ynwedh.’

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Oberow 25:11

Rakhenna mar kammwrav ha mar kwrug vy neppyth ow tervynn an mernans, ny skonyav a verwel; mes mar nyns eus travyth y'n taklow ma'm kuhudh an re ma, denvyth ny yll ow daskorr dhedha. Orth Sesar y halwav.’

Oberow 25:13

Ha pan o passys niver a dhydhyow, myghtern Agrippa ha Bernike a dheuth dhe Sesarea rag salusi Festus.

Oberow 25:21

Mes pan bysis Powl dhe vos synsys yn-dann with rag ervirans an Emperour, my a worhemmynnis may fe synsys bys pan allav y dhannvon dhe Sesar.’

Oberow 26:32

Hag yn-medh Agrippa dhe Festus, ‘An den ma a allsa bos livrys, mar ny alwa orth Sesar.’

Oberow 27:1

Pan veu ervirys ni dhe woelya dhe Itali i a dhaskorras Powl ha prisnoryon erell dhe benn-kangour a'n kohort awgustanek, henwys Yulius.

Oberow 28:16

Ha pan dheuthen yn Rom, Powl a veu gesys dhe driga y honan, gans an souder esa orth y witha.

Filippianys 1:20

war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.