Oberow 24:27 - An Bibel Kernewek 20234 (Kernewek Kemmyn)

²⁷ Ha wosa diw vlydhen dhe bassya, Feliks a veu holys gans Porkius Festus; hag ow mynnes diskwedhes favour dhe'n Yedhewon, ev a asas Powl yn prison.

Oberow 24:27 ပူးပေါင်းရင်းမြစ်များ

Eksodus 23:2

Ny wredh holya lu dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus;

Lavarow Koth 29:25

Own den a sett antell, mes neb a drest y'n Arloedh yw saw.

Yeremia 38:13

Ena i a dennas Yeremia yn-bann gans an lovonow, ha'y gemmeres yn-bann yn-mes a'n dhorvagh. Ha Yeremia a wortas yn klos an prison.

Mark 15:15

Ytho Pilat, ha hwans dhodho a blesya an routh, a dhelivras Barabbas dhedha; hag a ros Yesu, wosa y skorjya, dhe vos krowsys.

Oberow 12:3

ha pan welas bos henna plegadow dhe'n Yedhewon, ev eth yn-rag dhe dhalghenna Peder ynwedh; yth esa hemma yn dydhyow an bara heb goell.

Oberow 23:35

ev a leveris, ‘My a wra goslowes orthis pan dheu dha guhudhoryon ynwedh.’ Ena ev a worhemmynnis may fe synsys yn pretorium Herod.

Oberow 25:1

Tri dydh wosa y dhevedhyans yn ranndir, Festus eth yn-bann dhe Yerusalem dhiworth Sesarea,

Oberow 25:14

Ha drefenn i dhe wortos ena lies dydh, Festus a worras a-dherag an myghtern an maters a-dro dhe Powl, ow leverel, ‘Yma unn gour, gesys prisner gans Feliks,

Oberow 25:4

Gans henna Festus a worthybis y fedha Powl synsys yn Sesarea, hag yth ervira ev y honan mos di a verr spys.

Oberow 25:9

Mes Festus, ow mynnes diskwedhes favour dhe'n Yedhewon, a worthybis dhe Powl, ow leverel, ‘A vynn'ta mos yn-bann dhe Yerusalem dhe vos breusys ena a-ragov a-dro dhe'n taklow ma?’

Oberow 26:32

Hag yn-medh Agrippa dhe Festus, ‘An den ma a allsa bos livrys, mar ny alwa orth Sesar.’

Oberow 28:30

Yth esa ev trigys ena diw vlydhen dhien yn y ji-wobrenys y honan, hag ev a wolkomma kekemmys a dheffa dhodho,

Galatianys 1:10

Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.