Oberow 23:20 - An Bibel Kernewek 20234 (Kernewek Kemmyn)

²⁰ Hag yn-medh ev, ‘Unnverhes yw an Yedhewon dhe wovynn orthis dhe dhri Powl yn-nans dhe'n konsel a-vorow war skeus i dhe ervira diskudha yn leunna neppyth a-dro dhodho.

Oberow 23:20 ပူးပေါင်းရင်းမြစ်များ

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Oberow 22:30

Ternos, ow mynnes godhvos yn sertan prag yth o Powl kuhudhys gans an Yedhewon, ev a'n livras hag ev a worhemmynnis dhe'n bennoferysi hag oll an konsel dos war-barth, ha pan dhrosa Powl yn-nans ev a'n gorras a-ragdha.

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 23:19

An tribun, orth y gemmeras er an leuv a-denewen yn privedh, a wovynnas, ‘Pyth eus dhis dhe dherivas dhymm?’

Oberow 23:30

Ha pan veu derivys dhymm bos bras erbynn an gour, a-dhistowgh my a'n dannvonas dhis, ha gorhemmynna dhe'n guhudhoryon leverel a-ragos pandr'eus gansa er y bynn.’

Oberow 23:6

Ena Powl, ow kodhvos bos re Sadukeow ha re erell Fariseow, a grias y'n konsel, ‘Breder, Farise ov vy, mab Fariseow; yth esov vy ow pos breusys a-dro dhe wovenek dasserghyans an re varow.’