Oberow 23:15 - An Bibel Kernewek 20234 (Kernewek Kemmyn)

¹⁵ Lemmyn ytho hwi war-barth gans an konsel, pysewgh an tribun a'y dhri yn-nans dhywgh, kepar ha pan esowgh ow mynnes eksamnya y gen yn leunna; ha ni agan honan yw parys dh'y ladha kyns ev dhe nesa.’

Oberow 23:15 ပူးပေါင်းရင်းမြစ်များ

2 Samuel 13:5

Yn-medh Yonadab dhodho, ‘Growedh war dha weli, hag omwra klav; ha pan dho dha das dhe'th weles, lavar dhodho, “My a'th pys, gas ow hwoer Tamar dhe dhos ha ri dhymm boes, ha pareusi an boes y'm golok, may hallav y weles ha'y dhybri dhiworth hy leuv” ’

Salmow 21:11

Rag i a vynnas drog er dha bynn; i a dewlis dregynn, mes ny allsons y wul.

Lavarow Koth 1:16

rag aga threys a boen dhe dhroktra, hag i a fysk rag skoellya goes.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yowann 18:12

Ena bagas an soudoryon ha'n kapten ha soedhogyon an Yedhewon a dhalghennas Yesu ha'y gelmi.

Oberow 22:30

Ternos, ow mynnes godhvos yn sertan prag yth o Powl kuhudhys gans an Yedhewon, ev a'n livras hag ev a worhemmynnis dhe'n bennoferysi hag oll an konsel dos war-barth, ha pan dhrosa Powl yn-nans ev a'n gorras a-ragdha.

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 23:6

Ena Powl, ow kodhvos bos re Sadukeow ha re erell Fariseow, a grias y'n konsel, ‘Breder, Farise ov vy, mab Fariseow; yth esov vy ow pos breusys a-dro dhe wovenek dasserghyans an re varow.’

Oberow 25:3

ow kovynn favour dhiworto, ma'n galwa dhe Yerusalem, rag yth esens ow mynnes kontrewaytya rag y ladha y'n hyns.