Oberow 21:40 - An Bibel Kernewek 20234 (Kernewek Kemmyn)

⁴⁰ Pan rosa kummyas, Powl ow sevel y'n gradhow a wrug sin dhe'n bobel gans y leuv. Pan esa taw meur, ev a arethyas dhedha yn Ebrow, ow leverel:

Oberow 21:40 ပူးပေါင်းရင်းမြစ်များ

2 Myghternedh 9:13

Ena i a fistenas ha pubonan a synsis y dhillasenn ha'y lesa yn-danno war an grisyow lomm, ha seni hirgern, ow leverel, ‘Yehu yw myghtern’.

Luk 23:38

Hag yth esa pennskrifa a-ughto, ‘Hemm yw Myghtern an Yedhewon.’

Yowann 19:13

Pilat ytho pan glewas an geryow ma a dhros Yesu yn-mes, hag esedha war an barr yn tyller henwys an Leur a Leghven, hag yn Ebrow Gabbatha.

Yowann 19:17

hag ev eth yn-rag ow toen y grows y honan bys yn tyller henwys Tyller Krogen, hag yn Ebrow, Golgotha;

Yowann 19:20

Lies a'n Yedhewon a redyas an titel ma, rag bos an tyller may feu Yesu krowsys ogas dhe'n sita; ha skrifys veu yn Ebrow, Greka ha Latin.

Yowann 5:2

Yma yn Yerusalem poll ryb Porth an Deves, henwys yn Ebrow Bethzatha, ha dhodho pymp portal.

Oberow 1:19

hag y teuth ha bos godhvedhys oll dhe drigoryon Yerusalem, may feu henwys an park na yn aga yeth aga honan Hakeldama, henn yw, Park Goes.

Oberow 12:17

Ev a wrug sin dhedha gans y leuv may tawens, ha derivas dhedha fatell wrug an Arloedh y hembronk mes a'n prison, ha leverel, ‘Derivewgh an taklow ma dhe Jamys ha dhe'n vreder.’ Ena ev a omdennas ha mos dhe gen tyller.

Oberow 13:16

Ytho Powl a sevis yn-bann, hag ow kul sin gans y leuv ev a leveris: ‘Hwi wer a Ysrael, ha'n re neb a berth own a Dhuw, goslowewgh.

Oberow 19:33

Re a'n routh a ros gorhemmynnow dhe Aleksander, neb re bia herdhys yn-rag gans an Yedhewon; hag Aleksander, ow kwevya y leuv, a vynnas styrya an dra dhe'n kuntelles.

Oberow 21:35

Hag ev devedhys y'n gradhow, res o dhodho bos degys gans an soudoryon drefenn nerth an routh;

Oberow 22:2

Pan glewsons ev dhe gewsel orta yn Ebrow, i eth ha bos hwath kosella. Ena ev a leveris:

Oberow 26:14

Pan goedhsen ni oll dhe'n dor, my a glewas lev ow leverel dhymm yn Ebrow, “Sowl, Sowl, prag y'm helghydh? Kales yw ragos potya orth an garthowyow.”

Oberow 6:1

Lemmyn y'n dydhyow ma, ha niver an dhyskyblon ow kressya, yth esa krodhvol gans an Hellenistyon war an Ebrowyon, drefenn bos aga gwedhwesow gesys a-denewen y'n lesrannans pub dydh oll.

Diskwedhyans 16:16

Hag ev a's kuntellas war-barth dhe dyller henwys yn Ebrow, Armageddon.

Diskwedhyans 9:11

Yma myghtern a-ughta i, yw el an pytt diwoeles, yn Ebrow Abaddon y hanow, hag yn Greka Apollyon.