Oberow 21:30 - An Bibel Kernewek 20234 (Kernewek Kemmyn)

³⁰ Hag oll an sita a veu movyes, ha'n bobel a fyskas war-barth, hag ow settya dalghenn yn Powl i a'n tennas yn-mes a'n tempel, hag a-dhistowgh an darasow a veu deges.

Oberow 21:30 ပူးပေါင်းရင်းမြစ်များ

2 Myghternedh 11:15

Ena Yehoyada an oferyas a worhemmynnis an gaptenyon o settys war an lu, ‘Drewgh hi yn-mes ynter an renkow ha ladha gans an kledha an re a dheu war hy lergh.’ Rag an oferyas re lavarsa, ‘Na vedhes hi ledhys yn chi an Arloedh.’

Matthew 2:3

Pan wrug myghtern Herod klewes hemma, ev a veu troblys, hag oll Yerusalem ganso,

Matthew 21:10

Hag ev ow tos a-bervedh yn Yerusalem, oll an sita a veu movyes hag a wovynnas, ‘Piw yw hemma?’

Luk 4:29

hag i a sevis yn-bann ha'y jasya yn-mes a'n sita, ha'y worra bys yn tal an vre may feu aga sita drehevys, rag ma'n deghessens yn-nans;

Oberow 19:29

Ha'n sita a veu lenwys a dheray, hag yn keskolonn i a fyskas y'n wariva, ow talghenna Gayus hag Aristarghus, tus a Makedonia, kowetha vyaj Powl.

Oberow 26:21

Drefenn an taklow ma, an Yedhewon a settyas dalghenn ynnov y'n tempel hag assaya ow ladha.

2 Korinthianys 11:26

ow vyajya lieskweyth, yn peryll a avonyow, yn peryll a ladron, yn peryll a'm tus ow honan, yn peryll a Jentilys, yn peryll yn sita, yn peryll yn difeyth, yn peryll y'n mor, yn peryll a fals vreder,