Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’
Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.
Ha pan esa ev ow mos yn-kerdh war an fordh, nebonan a boenyas dhodho ha koedha war benn-dewlin a-ragdho, ha govynn orto, ‘A Vester mas, pandr'a wrav may hylliv erita bewnans heb diwedh?’
Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.
rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”
Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.
Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:
A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,
dhiworth neb, an korf dien, junys ha synsys war-barth dre bub giowenn ow skoedhya war-lergh oberyans 'vas pub rann, a wra dhe'n korf tevi, rag y dhrehevyans yn kerensa.
Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.
Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.