Oberow 20:28 - An Bibel Kernewek 20234 (Kernewek Kemmyn)

²⁸ Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 20:28 ပူးပေါင်းရင်းမြစ်များ

Salmow 74:2

Porth kov a'th kuntelles a brensys seuladhydh, loeth dha ertach a dhasprensys, ha menydh Sion may trigsys ynno.

Lavarow Koth 10:21

Dhiwweus an den gwiryon a vag lies, mes fellyon a verow rag fowt skians.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 63:11

Ena ev a borthas kov a'n dydhyow koth, Moyses ha'y bobel. Ple'ma ev neb a's dros war-vann yn-mes a'n mor, gans bugeledh y flokk? Ple'ma ev neb a settyas y Spyrys Sans a-berth ynno,

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 13:20

Drehevewgh agas dewlagas, ha gweles an re a dheu a'n gogledh: ple'ma an flokk a veu res dhis, dha flokk teg?

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Yeremia 31:10

Klewewgh ger an Arloedh, hwi genedhlow, ha'y dhisklerya dhe'n ynysow pell; leverewgh, ‘Ev neb a skattras Ysrael a wra y guntell, ha'y witha par dell wra an bugel y flokk.’

Ezekiel 34:3

Hwi a dheber an blonek, hag omwiska y'n gwlan, ha ladha an re peskys, mes ny vugelsowgh an deves.

Ezekiel 34:31

Hwi yw ow deves, deves ow feurva; my yw agas Duw, yn-medh an Arloedh Duw.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Zekaria 11:4

Yndellma y lever an Arloedh ow Duw: Pesk an flokk rag an ladhva.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Mark 13:9

‘Mes bedhewgh war ragowgh agas honan; rag i a wra agas daskorr dhe gonselyow, hag y'n synagys hwi a vydh kronkys, ha hwi a vydh settys a-rag governours ha myghternedh a-barth dhymmo vy, yn dustuni er aga fynn.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Oberow 13:2

Hag i ow kordhya an Arloedh hag ow penys, an Spyrys Sans a leveris, ‘Diberthewgh ragov Barnabas ha Sowl rag an gonis ma's gelwis vy.’

Oberow 14:23

Ha pan ordensens ragdha henavogyon yn pub eglos, gans pysadow ha penys i a's kommendyas dhe'n Arloedh yn neb a gryssens.

Oberow 20:17

Dhiworth Miletus ev a dhannvonas dhe Efesus, ow kelwel henavogyon an eglos.

Oberow 20:29

My a woer y teu wosa ow mones dhe-ves bleydhi gwyls, heb sparya an para,

Romanyon 16:16

Salusewgh an eyl y gila gans amm sans. Oll eglosyow Krist a'gas salus.

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 10:32

Na wrewgh offens vyth dhe Yedhewon, na dhe Grekys, na dhe eglos Duw,

1 Korinthianys 11:22

Dar! A nyns eus dhywgh chiow may hyllowgh dybri hag eva? Po a dhispresyowgh eglos Duw ha shamya an re na's teves travyth? Pandr'a allav vy dhe leverel dhywgh? A wrav vy agas kommendya? Y'n kas ma, ny'gas kommendyav.

1 Korinthianys 15:9

Rag an lyha a'n abesteli yth ov, anwiw dhe vos gelwys abostol, drefenn my dhe helghya eglos Duw;

1 Korinthianys 6:20

rag prenys a bris vewgh. Gordhyewgh Duw, ytho, yn agas korf.

Galatianys 1:13

Rag re glewsowgh a'm fara seulabrys yn yedhowieth pan helghyn vy eglos Duw dres eghenn ha'y dhistrui,

Efesianys 1:14

neb yw ragdal agan eretons bys pan vo dasprenys an perghennogeth, dhe wormel y splannder.

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Efesianys 4:11

Hag ev a ros re dhe vos abesteli, re profoesi, re aweylers, re bugeledh ha dyskadoryon,

Filippianys 1:1

1 Powl ha Timothi, gwesyon Krist Yesu, Dhe oll an syns yn Krist Yesu usi yn Filippi gans an epskobow ha'n dhyagonyon:

Kolossianys 1:14

yn neb y'gan beus daspren, gevyans peghosow.

Kolossianys 4:17

Ha leverewgh dhe Arghippus, ‘Mir dhe'th oberenn a dhegemmersys y'n Arloedh, ma's kollenwi hi.’

1 Timothi 3:1

Sur yw an lavar: Neb a vynn kavoes soedh epskop, a hwila obereth da.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

1 Timothi 3:5

Den mar ny woer rewlya y vayni ev, fatell wra gwitha eglos Duw?

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 4:16

Bydh war a-dro dhiso jy dha honan, hag a-dro dhe'th tyskas; gwra pesya ynna i, rag, ow kul yndella, ty a wra omselwel, ha selwel ynwedh dha woslowysi.

1 Timothi 5:17

Bedhes tybys gwiw ri enor dewblek dhe'n henavogyon a rewl yn ta, dres oll an re a lavur yn ger hag yn dyski.

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;