Oberow 2:20 - An Bibel Kernewek 20234 (Kernewek Kemmyn)

²⁰ An howl a vydh treylys dhe dewlder ha'n loer dhe woes kyns dos dydh meur ha splann an Arloedh;

Oberow 2:20 ပူးပေါင်းရင်းမြစ်များ

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 13:15

Piwpynag a vo kevys a vydh gwanyes, ha piwpynag a vo kechys a goedh der an kledha.

Ysay 13:9

Otta, dydh an Arloedh a dheu, fell, gans konnar ha sorr fers, dhe wul an tir ynyal ha distrui peghadoryon dhiworto.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Ysay 34:8

Ytho yma dhe'n Arloedh dydh dial, blydhen attal rag mentena ken Sion.

Yeremia 4:23

My a viras war an nor, hag, otta heb furv o, ha gwag; ha war an nevow ha ny's tevo golow.

Yoel 2:1

Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Yoel 3:14

Routhow, routhow, yn nans an ervirans! Rag ogas yw dydh an Arloedh yn nans an ervirans.

Amos 8:9

Hag y hwyrvydh y'n jydh na, yn-medh an Arloedh Duw, my a wra an howl dhe sedhi y'n hanter-dydh, ha tewlhe an dor yn lagas an howl.

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Matthew 27:45

Ha dhiworth an hweghves eur yth esa tewolgow war oll an nor bys y'n nawves eur.

Mark 13:24

‘Mes y'n dydhyow na, wosa an galar na, an howl a vydh tewlhes, ha'n loer ny re hy golow,

Luk 21:25

‘Hag y fydh toknys y'n howl ha'n loer ha'n ster, ha war an nor angoes dhe'n kenedhlow, fienasow drefenn tarenna an mor ha'n tonnow.

Oberow 2:19

Ha my a dhiskwedh marthusyon y'n nev a-vann, hag toknys y'n norvys a-woeles, goes ha tan hag ethenn mog.

Oberow 2:21

hag ena myns a gri war hanow an Arloedh a vydh selwys.”

1 Korinthianys 5:5

res yw dhywgh daskorr an gour ma dhe Satnas rag terroes an kig may fo selwys y spyrys yn dydh an Arloedh.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

Diskwedhyans 16:8

Ha'n peswora a skoellyas y fiol war an howl, hag y feu gesys dhodho leski tus gans tan.

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.