Oberow 19:19 - An Bibel Kernewek 20234 (Kernewek Kemmyn)

¹⁹ Ha niver da a'n re neb a wre pystri a guntellas aga lyvrow ha'ga leski a-rag an bobel oll; hag i a reknas an pris anedha, hag yth o hanter-kans mil vath a arghans.

Oberow 19:19 ပူးပေါင်းရင်းမြစ်များ

Jenesis 35:4

Hag i a ros dhe Yakob oll an duwow estren esa dhedha, ha'n bysowyer yn aga skovornow, ha Yakob a's kelas yn-dann an derebinthenn ogas dhe Shekem.

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Eksodus 32:20

Hag ev a gemmeras an leugh re wrussons, ha'y leski gans tan, ha'y velyas dhe bolter, ha'y skoellya war an dowr hag a wrug dhe vebyon Ysrael y eva.

Eksodus 7:11

Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Eksodus 7:22

Mes hudoryon Ejyp a wrug an keth tra der aga husow; ytho kolonn Faro a besyas bos kaleshes, ha ny vynna ev goslowes orta; dell lavarsa an Arloedh.

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Daniel 2:2

Ena an myghtern a erghis may fe gelwys an hudoryon, an worhenysi, an bystrioryon, ha'n Kaldeanys, rag displegya dhe'n myghtern y hunrosow. Ytho y teuthons a-ji ha sevel a-dherag an myghtern.

Levitikus 13:52

Ytho ev a lesk an dillas, steuv po anwi, gwlan po lien, po neppyth a ledher, le may ma an pla, rag lovryjyon plagus yw. Y fydh leskys y'n tan.

Luk 14:33

Yndella ytho, peub ahanowgh neb na hepkorro oll y bythow ny yll bos ow dyskybel.

Luk 15:8

‘Po py benyn eus, ha gensi deg draghma, mar kyll onan anedha, na enow lugarn ha skuba an chi, ha hwilas dour erna'n kaffo?

Oberow 13:6

Wosa mos der an ynys oll bys Pafos, i a gavas unn gour, pystrier, fals profoes yedhowek, henwys Bar Yesus,

Oberow 13:8

mes an pystrier Elymas (rag yndella treylys yw y hanow) a sevis er aga fynn, ow hwilas treylya an prokonsul dhiworth an fydh.

Oberow 19:18

Ha meur a'n re neb a grysis a dheuth ha yes ha derivas aga oberow.

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.