Oberow 18:28 - An Bibel Kernewek 20234 (Kernewek Kemmyn)

²⁸ rag gans nerth ev a argyas orth an Yedhewon a-rag an bobel, ow kul prov der an skryptors bos Yesu an Krist.

Oberow 18:28 ပူးပေါင်းရင်းမြစ်များ

Luk 1:80

Ha'n flogh a devi, hag omgrevhe yn spyrys; hag yth esa y'n difeythtiryow bys yn dydh y omdhiskwedhyans dhe Ysrael.

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Oberow 17:3

owth igeri hag ow tiskwedhes dhedha bos res dhe'n Krist godhav ha dastrehevel dhiworth an re varow, ow leverel, ‘Hemm o an Krist, Yesu neb a bregowthav dhywgh.’

Oberow 18:25

Ev re bia dyskys yn fordh an Arloedh, ha gwresek y spyrys ev a gewsi ha dyski yn kewar an taklow a-dro dhe Yesu, kyn hwodhva unnsel besydh Yowann;

Oberow 18:5

Ha pan dheuth Silas ha Timothi yn-nans a Makedonia, Powl a omri moy ha moy dhe'n ger, ow toen dustuni dhe'n Yedhewon bos Yesu an Krist.

Oberow 8:35

Ena Felip a igoras y anow, hag ow talleth dhiworth an skryptor ma, ev a bregowthas Yesu dhodho.

Oberow 9:22

Mes Sowl a veu lenwys moy ha moy a nerth, hag ev a worras yn deray an Yedhewon esa trigys yn Damaskus, ow previ bos hemma an Krist.