Oberow 18:25 - An Bibel Kernewek 20234 (Kernewek Kemmyn)

²⁵ Ev re bia dyskys yn fordh an Arloedh, ha gwresek y spyrys ev a gewsi ha dyski yn kewar an taklow a-dro dhe Yesu, kyn hwodhva unnsel besydh Yowann;

Oberow 18:25 ပူးပေါင်းရင်းမြစ်များ

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 67:2

Rag may fo dha fordh aswonnys war an nor, dha selwyans yn mysk oll an kenedhlow.

Ysay 40:3

Unn lev a gri: ‘Y'n gwylvos pareusewgh hyns an Arloedh, gwra kompes y'n difeyth fordh-veur rag agan Duw.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Hosea 14:9

Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

Mark 1:3

lev onan ow kria y'n gwylvos: Pareusewgh fordh an Arloedh, gwrewgh kompes y hynsyow ev.’

Mark 12:14

Ha pan dheuthons yn-medhons dhodho, ‘Mester, ni a woer ty dhe vos gwir, ha ny'th teur mann a dhenvyth; rag ny virydh orth fas tus, mes ty a dhysk fordh Duw yn gwiryonedh. Yw lafyl ri trubyt dhe Sesar, po nag yw? A ren ni po na ren?’

Luk 1:4

mayth aswonni surneth an dyskas a veu res dhis.

Luk 7:29

Hag oll an dus, hag ynwedh an dolloryon, pan glewsons hemma, a aswonnis ewnder Duw, hag i besydhys gans besydh Yowann.

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Oberow 16:17

Hag owth holya Powl ha ni, hi a grias, ow leverel, ‘An dus ma yw gwesyon Duw an ughella, neb a bregoth dhywgh fordh selwyans.’

Oberow 18:26

hag ev a dhallathas kewsel yn hardh y'n synaga; ha pan y'n klewas Priskilla hag Akwila, i a'n kemmeras ha styrya moy kewar dhodho fordh Duw.

Oberow 19:23

Lemmyn yth esa a-dro dhe'n termyn na meur a dros a-dro dhe'n Fordh.

Oberow 19:3

Hag yn-medh ev, ‘Yn py besydh, ytho, a vewgh hwi besydhys?’ I a leveris, ‘Yn besydh Yowann.’

Oberow 19:9

Mes drefenn bos re anedha penn-kales ha diskryjyk, ow kewsel drog a-dro dhe'n Fordh a-rag an routh, ev a omdennas dhiworta hag ow kemmeres an dhyskyblon ganso, yth esa ow tadhla pub dydh yn skol Tyrannus.

Oberow 9:2

ha pysi dhiworto lytherow dhe'n synagys yn Damaskus may trolla yn kelmys dhe Yerusalem myns a dus an Fordh a gaffa, ha gwer ha benynes.

Romanyon 12:11

yn diwysykter heb sygerneth, yn spyrys owth enowi, ow servya an Arloedh,

2 Timothi 2:4

Souder ny wra omvagla gans negys bewnans kemmyn, may hallo plegya dhe neb re wrug y worra war rol y soudoryon.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

Breusysi 2:22

rag may preffiv Ysrael dredha, a wrens i gwitha fordh an Arloedh ow kerdhes ynni, kepar dell y's gwitha aga thasow, po na wrens.’

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.