Oberow 18:24 - An Bibel Kernewek 20234 (Kernewek Kemmyn)

²⁴ Hag y teuth dhe Efesus unn Yedhow henwys Apollos, genesik a Aleksandria, gour freth ha skentel y'n skryptors.

Oberow 18:24 ပူးပေါင်းရင်းမြစ်များ

Ezra 7:12

Artakserkses, myghtern myghternedh. Dhe Ezra an oferyas, dyskys yn lagha Duw nev, salusyans. Ha lemmyn:

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Eksodus 4:10

Ha Moyses a leveris dhe'n Arloedh, ‘Ogh, ow Arloedh, nyns ov gour a eryow, na kyns es lemmyn, nag a-ban gewssys orth dha was, rag lent ov a anow ha lent a daves.’

Ysay 3:3

an kapten a hanter-kans ha'n den a vri, an kusulyer ha'n den skentel yn pystri, ha'n gorhenyas skentel.

Matthew 13:52

Yn-medh ev dhedha, ‘Pub skriba, ytho, a veu dyskys rag gwlaskor nev yw haval dhe diek neb a denn yn-mes a'y withva taklow nowydh ha taklow koth.’

Luk 24:19

Hag yn-medh ev dhedha, ‘Pandra?’ Yn-medhons dhodho, ‘A-dro dhe Yesu a Nazareth, neb o profoes galloesek yn gweythres hag yn ger a-rag Duw hag oll an bobel,

Oberow 18:19

I a dheuth bys yn Efesus hag ev a's gasas ena, mes ev eth yn synaga ha dadhla gans an Yedhewon.

Oberow 18:21

mes ow kasa farwell ev a leveris, ‘Dos dhywgh arta a wrav, mar mynn Duw’; hag ev a woelyas dhiworth Efesus.

Oberow 18:28

rag gans nerth ev a argyas orth an Yedhewon a-rag an bobel, ow kul prov der an skryptors bos Yesu an Krist.

Oberow 19:1

Lemmyn dell hwarva, hag Apollos yn Korinth, Powl a dremenas der an ranndiryow ughella ha dos dhe Efesus, may kavas dyskyblon,

Oberow 27:6

Hag ena an penn-kangour a gavas gorhel a Aleksandria ow koelya dhe Itali, ha'gan gorra a-bervedh ynno.

Oberow 6:9

Mes rann a'n re esa dhe synaga an Rydhyon, dell o henwys, tus a Kyrene, hag Aleksandria, ha tus dhiworth Kilikia hag Asia, a sevis hag argya orth Stefan,

Oberow 7:22

Ha Moyses a veu dyskys yn oll skentoleth an Ejyptianys, ha nerthek o yn y eryow ha'y oberow.

1 Korinthianys 1:12

An pyth a vynnav dhe styrya yw hemma: pub huni ahanowgh a lever ‘Dhe Powl yth ov evy’, po ‘Dhe Apollos yth ov evy’, po ‘Dhe Kefas yth ov evy’, po ‘Dhe Grist yth ov evy.’

1 Korinthianys 16:12

A-dro dh'agan broder Apollos, meur my a ynnias warnodho may teffa dhywgh gans an vreder, mes nyns o y vodh mann dhe dhos lemmyn. Ev a wra dos pan vo dhodho spas.

1 Korinthianys 4:6

My re gewsis an taklow ma, breder, a-dro dhymmo vy hag a-dro dhe Apollos rag agas les, dredhon may tyskowgh styr an lavar ‘Travyth dres an pyth yw skrifys’, ma na vowgh hwi omhwythys a-barth an eyl erbynn y gila.

2 Korinthianys 10:10

Y leverir gans nebonan, ‘Yn tevri, poesek ha krev yw y lytherow, mes yn agan mysk gwann yw y gorf, ha'y gows y hyllir y dhispresya.’

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

Titus 3:13

Zenas, an laghyas, hag Apollos, dannvon i yn hast war aga fordh ma na fallo travyth dhedha.