Oberow 17:24 - An Bibel Kernewek 20234 (Kernewek Kemmyn)

²⁴ An Duw neb a formyas an bys ha pup-tra ynno, neb yw Arloedh nev ha nor, ny drig yn templow gwrys gans diwla den,

Oberow 17:24 ပူးပေါင်းရင်းမြစ်များ

Jenesis 1:1

Y'n dalleth Duw a formyas an nev ha'n nor.

Jenesis 14:19

Hag ev a'n bennigas ha leverel, ‘Benniges re bo Abram gans Duw Ughella, Gwrier nev ha nor.

Jenesis 14:22

Mes Abram a leveris dhe vyghtern Sodom, ‘My re dhrehevis ow leuv dhe'n Arloedh, Duw Ughella, Gwrier nev ha nor,

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

2 Kroniklys 2:6

Mes piw a yll drehevel chi ragdho, a-ban na yll an ughella nev y synsi? Piw ov vy bys may trehavav chi ragdho, marnas y vos avel tyller dhe leski offrynnow a-ragdho?

2 Kroniklys 6:18

‘Mes a yll Duw triga yn hwir gans mab-den war an dor? Ny yll nev, na'n ughella nev hogen, dha synsi, pygemmys le an chi ma re dhrehevis!

Salmow 115:16

An nevow yw nevow an Arloedh, mes an nor re ros ev dhe vebyon den.

Salmow 146:5

Gwynn y vys neb a'n jeves Duw Yakob yn gweres dhodho, hag yma y drest y'n Arloedh y Dhuw,

Salmow 148:13

Gormelens hanow an Arloedh, rag unnsel y hanow ev yw ughelhes, hag yma y splannder a-ugh nev ha nor.

Salmow 24:1

Dhe'n Arloedh yma an nor ha myns eus ynno, an norvys, ha'n re usi trigys ynno.

Ysay 40:12

Piw yw re vusuras an dowrow yn palv y leuv, ha re verkyas an nevow gans dornva, ha re synsis doust an bys yn musurva, ha re boesas an menydhyow yn mantol ha'n breow yn balans?

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Yeremia 10:11

Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Malaki 2:10

A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 5:34

Mes my a lever dhywgh, Na wrewgh tiow mann: naneyl re'n nev, rag esedh Duw ywa,

Luk 10:21

Y'n eur na, ev a veu pur heudhik y'n Spyrys Sans ha leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek, ha'ga diskudha dhe fleghesigow; ya, A Das, rag yndella re beu dha vodh.

Yowann 1:1

Y'n dalleth yth esa an Ger, hag yth esa an Ger gans Duw, ha'n Ger o Duw.

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Oberow 4:24

Ha pan y'n klewsons, i a dhrehevis aga lev oll war-barth dhe Dhuw ha leverel, ‘Arloedh, neb a wrug nev ha nor, ha'n mor ha pup-tra ynna,

Oberow 7:48

Mes ny drig an Ughella yn annedhow gwrys gans diwla; dell lever an profoes,

Romanyon 1:19

Rag an dra a yll bos aswonnys a-dro dhe Dhuw yw apert dhedha, rag Duw re'n diskwedhas dhedha.

Dewteronomi 10:14

Otta, an nev ha nev an nevow yw dhe'n Arloedh dha Dhuw, an norvys ha pup-tra eus ynno.

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Ebrowyon 3:4

Rag pub chi yw drehevys gans nebonan, mes neb a dhrehevis pup-tra yw Duw.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.