Oberow 16:15 - An Bibel Kernewek 20234 (Kernewek Kemmyn)

¹⁵ Ha pan veu besydhys ha gensi hy mayni, hi a'gan pysis, ow leverel, ‘Mar synsowgh hwi ow bos lel dhe'n Arloedh, dewgh dhe ostya y'm chi’; ha hi a ynnias warnan.

Oberow 16:15 ပူးပေါင်းရင်းမြစ်များ

Jenesis 19:3

Mes ev a ynnias warnedha yn fras, hag i a dreylyas dhodho hag entra a-bervedh yn y ji, hag ev a wrug kevewi ragdha ha pobas bara heb goell hag i a dhybris.

Jenesis 33:11

Kemmer, my a'th pys, ow bennath yw dres dhiso, rag Duw re beu grassyes dhymm, hag yma dhymm pup-tra.’ Ev a ynnias warnodho, hag ev a'n kemmeras.

2 Myghternedh 4:8

Unn jydh yth esa Elisha ow tremena dre Shunem hag yth esa benyn wolusek ena a ynnia warnodho dybri bara. Ytho peskweyth may tremena ev dredhi, ev a dreylya di rag dybri bara.

Matthew 10:41

Piwpynag a dhegemmerro profoes yn hanow profoes a gyv gober profoes; ha neb a dhegemmer den gwiryon yn hanow den gwiryon a gyv gober den gwiryon.

Matthew 3:6

hag yth esens i ow pos besydhys ganso y'n Yordan, ow yes aga feghosow.

Luk 14:23

Ena yn-medh an mester dhe'n kethwas, “Ke dhe-ves bys y'n fordhow ha'n keow ha'ga honstryna dhe dhos a-ji, rag may fo ow chi lenwys.

Luk 24:29

Mes i a ynnias warnodho ow leverel, ‘Trig genen, rag nammnag yw gorthugher, hag yma'n jydh lemmyn ow sedhi.’ Ytho ev eth a-ji dhe driga gansa.

Oberow 11:14

neb a gews dhis geryow may fo ty ha'th vayni oll selwys.”

Oberow 16:31

Hag yn-medhons i, ‘Krys y'n Arloedh Yesu, ha ty ha'th vayni a vydh selwys.’

Oberow 16:33

Y'n keth eur a'n nos ev a's kemmeras ha golghi aga goliow, hag ev hag oll y deylu a veu besydhys heb hokya.

Oberow 16:34

Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Oberow 18:8

Lemmyn Krispus, rewler an synaga, ha ganso oll y vayni, a grysis y'n Arloedh, ha meur a dus Korinth, pan glewsons, a grysis hag a veu besydhys.

Oberow 8:12

Mes pan gryssons i dhe Felip hag ev ow pregoth a-dro dhe wlaskor Duw ha hanow Yesu Krist, besydhys vons, ha gwer ha benynes.

Oberow 8:38

Ena ev a worhemmynnis mayth hettha an charett, hag i eth yn-nans y'n dowr aga dew, ha Felip ha'n spadhesik, hag ev a'n besydhyas.

Romanyon 16:23

Gayus, ost dhymmo vy ha dhe'n eglos oll, a'gas salus. Erastus, alhwedhor an sita, ha'gan broder Kwartus, a'gas salus.

2 Korinthianys 12:11

Deuvev ha bos foll; hwi re'm konstrynas. Y telledh ow bos kommendys genowgh hwi, rag ny fyll dhymm travyth a'n abesteli worughel, kyn na viv evy travyth.

2 Korinthianys 5:14

Rag kerensa Krist a'gan stroeth, drefenn agan kryjyans dhe vos ha bos fyrv y ferwis onan a-barth oll, rakhenna oll re verwis;

Galatianys 6:10

Ytho, hedre vo spas dhyn, gwren ni da dhe bubonan, ha kyns oll dhedha i usi a'n teylu a fydh.

Efesianys 1:1

Powl, abostol Krist Yesu dre volonjedh Duw, Dhe'n syns usi yn Efesus yw lel yn Krist Yesu:

Filippianys 1:7

dell yw gwiw ragov dhe brederi ahanowgh hwi oll, rag ottahwi genev y'n golonn; rag hwi oll yw kevrennoryon genev a ras, hag y'm kolmow hag yn mentons ha kompoesans a'n aweyl.

Filemon 1:17

Rakhenna, mar akontydh ow bos koweth, degemmer e kepar ha dell ve ev my ow honan.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.

1 Peder 5:12

Dre Silvanus, broder lel, my a dyb, re skrifis vy dhywgh war nebes lavarow, ow keski ha dustunia bos hemma gwir ras Duw; sevewgh fyrv ynno.

2 Yowann 1:10

Mar teu nebonan dhywgh heb dri an dyskas ma, na'n degemmerewgh yn agas chi na'n salusewgh.

3 Yowann 1:5

A garadow, tra lel a wredh pan wonedhydh rag an vreder, kyn fons estrenyon,

3 Yowann 1:8

Ytho ni a dal skoedhya re a'n par na, rag may fyn kesoberoryon y'n gwirder.

1 Samuel 28:23

Mes ev a skonyas, ha leverel, ‘Ny vynnav dybri.’ Mes y wesyon, war-barth gans an venyn, a ynnias warnodho; hag ev a woslowas orth aga lev. Ytho ev a sevis a-dhiwar an dor hag esedha war an gweli.