Oberow 15:17 - An Bibel Kernewek 20234 (Kernewek Kemmyn)

¹⁷ may hwillo oll an dus erell an Arloedh, an Jentilys oll may feu gelwys ow hanow warnedha, yn-medh an Arloedh re wrug an taklow ma

Oberow 15:17 ပူးပေါင်းရင်းမြစ်များ

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 63:19

Ni re beu a-henys kepar ha'n re na rewlsys warnedha, kepar ha'n re na veu dha hanow gelwys warnedha.

Ysay 65:1

My o hwilys gans an re na wovynnsons, kevys gans an re na'm hwilsons. My a leveris, ‘Awottavy, awottavy’, dhe genedhel nag esa ow gelwel war ow hanow.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Daniel 9:19

A Arloedh, klew! A Arloedh, gyv! A Arloedh, attend ha gwra; na wra hokya, a'th wovis jy dha honan, ow Duw, rag henwys yw dha sita ha'th pobel gans dha hanow.’

Hosea 2:23

My a wra hy flansa ragov y'n tir. My a gemmer truedh a Lo-ruhama, ha leverel dhe Lo-ammi ‘Ty yw Ow fobel’; hag ev a lever, ‘Ty yw ow Duw.’

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Amos 9:12

may perghennons an remenant a Edom ha'n kenedhlow oll may feu ow hanow gelwys warnedha, yn-medh an Arloedh neb a wra hemma.

Mika 5:7

Ena remenant Yakob yn mysk lies pobel, a vydh avel gluth a'n Arloedh, avel kowasow war an gwels, na's teves govenek yn gour na ny wortons mebyon den.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Niverow 24:23

Hag ev a gemmeras yn-bann y gows, ha leverel, ‘Eghan, piw a wra bewa pan wra Duw hemma?

Niverow 6:27

Yndellma i a wra gorra ow hanow war vebyon Ysrael ha my a wra aga benniga.

Dewteronomi 28:10

Ena oll kenedhlow an norvys a wel ty dhe vos gelwys gans hanow an Arloedh; hag i a berth own ahanas.

Jamys 2:7

A ny vlasfemyons i an hanow da a veu gelwys warnowgh?