Oberow 14:17 - An Bibel Kernewek 20234 (Kernewek Kemmyn)

¹⁷ byttegyns ny asas y honan heb dustuni, rag dader ev a wra, ow ri dhywgh glaw a nev ha prysyow ow toen frut, ow lenwel agan kolonnow a voes hag a heudhder.’

Oberow 14:17 ပူးပေါင်းရင်းမြစ်များ

1 Myghternedh 18:1

Wosa lies dydh ger an Arloedh a dheuth dhe Elias, yn tressa blydhen an syghor, ow leverel, ‘Ke, omdhiskwedh dhe Ahab, ha my a dhannvon glaw war an nor.’

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Job 36:31

Yndella ev a vag an poblow; ev a re palster a voes.

Job 37:6

Rag dhe'n ergh ev a lever, “Koedh war an dor”; ha dhe gowas a law, “Bydh krev”.

Job 5:10

Ev a re glaw war an norvys ha dannvon dowrow war an gwelyow;

Salmow 145:9

An Arloedh yw da orth pub den oll, hag yma y druedh dres oll y oberow.

Salmow 4:7

Ty re worras lowender y'm kolonn moy ages y'n termyn may feu aga ys ha'ga gwin ynkressys.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Ysay 22:13

Hag otta yma joy ha lowender, ladha chatel ha ladha deves, dybri kig hag eva gwin; ‘Dybryn hag evyn, rag a-vorow ni a verow’.

Ysay 40:21

A ny wodhowgh? A ny glewsowgh? A ny veu kewsys dhywgh a-dhia'n dhallethva? A ny gonvedhsowgh a-ban veu selys an bys?

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 5:24

Ny leverons yn aga holonn, ‘Gwren ni perthi own a'n Arloedh agan Duw, neb a re an glaw, ha'n kynsa ha'n diwettha, yn y dermyn: ev a with ragon seythunyow ordenys an drevas.’

Ezekiel 34:26

My a wra dhedha i ha'n tylleryow a-dro dhe'm bre bos bennath; ha my a dhannvon glaw yn-nans yn y seson; i a vydh kowasow a vennath.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Levitikus 26:4

my a re dhywgh glawyow yn aga sesonyow ha'n tir a re y drevas, ha gwydh an gwel a re aga frut.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Oberow 14:18

Hag ow leverel an taklow ma, skant y lettsons an routhow a sakrifia dhedha.

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Dewteronomi 11:14

ena y rov glaw rag agas tiredh yn y dermyn, an glaw a-varr ha'n glaw diwedhes, rag may kuntelli dha ys ha'th win ha'th olew.

Dewteronomi 28:12

An Arloedh a iger y dresorva dha, an nevow, dhe ri glaw dhe'th tir yn y seson ha dhe venniga oll an ober a'th leuv; ty a brest dhe lies kenedhel mes ty, ny gevydh prestenn.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.