Oberow 13:46 - An Bibel Kernewek 20234 (Kernewek Kemmyn)

⁴⁶ Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 13:46 ပူးပေါင်းရင်းမြစ်များ

Lavarow Koth 28:1

An debeles a fi dhe'n fo pan nag eus helghyas, mes an re wiryon yw maga hardh avel lew.

Ysay 55:5

Otta, ty a elow kenedhel na aswonnydh, ha kenedhel na aswonnydh a wra poenya dhis, drefenn an Arloedh dha Dhuw, ha'n Sans a Ysrael, rag ev re'th glorifias.

Ezekiel 2:5

Hag i, mar koslowons po mar skonyons (rag chi diwostydh yns i) byttegyns i a woer y feu profoes yn aga mysk.

Matthew 10:6

mes kyns oll ewgh dhe dheves kellys chi Ysrael.

Matthew 21:41

Yn-medhons dhodho, ‘Ev a dhistru an debeles na yn hager, ha settya an winlann dhe diogyon erell, neb a vynn ri dhodho an drevas yn hy frys.’

Matthew 21:43

Rakhenna, my a lever dhywgh, gwlaskor Duw a vydh kemmerys a-dhiworthowgh ha res dhe genedhel a dheg hy threvas.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Yowann 1:11

Ev a dheuth dh'y byth y honan, ha ny'n degemmeras y dus y honan.

Yowann 4:22

Hwi a wordh an pyth na wodhowgh; ni a wordh an pyth a wodhon, rag yma selwyans dhiworth an Yedhewon.

Oberow 13:14

Mes i eth yn-rag dhiworth Perga ha dos dhe Antiogh a Pisidia; ha dydh sabot i eth y'n synaga hag esedha.

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Oberow 13:5

Ha pan dheuthons bys yn Salamis i a bregowthas ger Duw yn synagys an Yedhewon; hag yth esa Yowann gansa rag aga gweres.

Oberow 19:9

Mes drefenn bos re anedha penn-kales ha diskryjyk, ow kewsel drog a-dro dhe'n Fordh a-rag an routh, ev a omdennas dhiworta hag ow kemmeres an dhyskyblon ganso, yth esa ow tadhla pub dydh yn skol Tyrannus.

Oberow 22:21

Ena ev a leveris dhymm, “Ke, rag my a wra dha dhannvon a-bell dhe'n Jentilys.” ’

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 28:28

Rakhenna bedhes godhvedhys dhywgh bos an selwyans ma a Dhuw dannvenys dhe'n Jentilys, hag i a wra goslowes.’

Oberow 3:26

Ragowgh hwi yn kynsa, Duw a dhrehevis y was, ha'y dhannvon rag agas benniga orth agas treylya dhe-ves, yn kettep penn, dhiworth agas drogoberow.’

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Oberow 9:20

hag a-dhistowgh ev a bregowthas Yesu y'n synagys, y vos Mab Duw.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 2:10

mes gordhyans hag enor ha kres rag pub huni a wra da, an Yedhow yn kynsa ha'n Grek ynwedh.

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

Filippianys 1:14

ha'n brassa rann a'n vreder, kolonnekhes y'n Arloedh der ow holmow, yw moy hardh dhe gewsel an ger heb own.

Ebrowyon 11:34

difeudhi nerth tanyow, skeusi rag min an kledha, gwaynya krevder yn-mes a wannder, dos ha bos galloesek yn kas, gorra luyow estren dhe'n fo.