Oberow 12:17 - An Bibel Kernewek 20234 (Kernewek Kemmyn)

¹⁷ Ev a wrug sin dhedha gans y leuv may tawens, ha derivas dhedha fatell wrug an Arloedh y hembronk mes a'n prison, ha leverel, ‘Derivewgh an taklow ma dhe Jamys ha dhe'n vreder.’ Ena ev a omdennas ha mos dhe gen tyller.

Oberow 12:17 ပူးပေါင်းရင်းမြစ်များ

Salmow 146:7

neb a wra gwirvreus rag an re arweskys, neb a re boes dhe'n re nownek. An Arloedh a dhelirv prisnoryon dhe wari;

Salmow 66:16

Dewgh ha klewewgh, oll hwi a berth own a Dhuw, ha my a dheriv an pyth a wrug ev rag ow enev.

Matthew 10:23

Pan y'gas helghyons y'n sita ma, fiewgh dhe onan arall; rag yn hwir y lavarav dhywgh, ny worfennowgh tremena dre sitys Ysrael kyns bos devedhys Mab an den.

Mark 6:3

A nyns yw hemma an ser prenn, mab Maria, broder Jamys ha Yoses ha Yudas ha Simon? hag a nyns usi y hwerydh omma genen?’ Ha sklandrys ens i anodho.

Luk 1:22

Ha pan dheuth yn-mes, ny ylli kewsel orta, hag i a wodhva ev dhe weles gwelesigeth y'n tempel; hag ev a wrug sinys orta, ha pesya avlavar.

Yowann 10:40

Hag ev eth dhe-ves arta dhe'n tu arall dhe'n Yordan, dhe'n tyller mayth esa Yowann ow pesydhya y'n dalleth, hag a wortas ena.

Yowann 11:54

Rakhenna ny wre Yesu kerdhes namoy yn apert yn mysk an Yedhewon, mes ev eth alena dhe'n vro ogas dhe'n gwylvos, dhe sita henwys Efraym, hag ena ev a wortas gans y dhyskyblon.

Yowann 13:24

ytho Simon Peder a wrug sin dhodho dhe wovynn a biw y kewsis.

Yowann 7:1

Wosa hemma, yth esa Yesu ow kerdhes yn Galile; rag ny vynna kerdhes yn Yudi, rag an Yedhewon a hwila y ladha.

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 12:16

Mes Peder a besyas knoukya; ha pan igorsens, i a'n gwelas ha marth bras a's teva.

Oberow 12:18

Ha pan dheuth an jydh, yth esa ankres na veu byghan yn mysk an soudoryon, a-dro dhe'n pyth a hwarvia dhe Peder.

Oberow 13:16

Ytho Powl a sevis yn-bann, hag ow kul sin gans y leuv ev a leveris: ‘Hwi wer a Ysrael, ha'n re neb a berth own a Dhuw, goslowewgh.

Oberow 15:13

Wosa i dhe synsi taw, Jamys a worthybis, ow leverel, ‘Breder, goslowewgh orthiv.

Oberow 16:40

Ha wosa mos dhiworth an prison, i eth dhe ji Lydia, hag ow kweles an vreder i a's kennerthas, ha mos mes a'n sita.

Oberow 19:33

Re a'n routh a ros gorhemmynnow dhe Aleksander, neb re bia herdhys yn-rag gans an Yedhewon; hag Aleksander, ow kwevya y leuv, a vynnas styrya an dra dhe'n kuntelles.

Oberow 21:18

Ha ternos Powl a entras genen dhe Jamys, hag oll an henavogyon a dheuth.

Oberow 21:40

Pan rosa kummyas, Powl ow sevel y'n gradhow a wrug sin dhe'n bobel gans y leuv. Pan esa taw meur, ev a arethyas dhedha yn Ebrow, ow leverel:

Oberow 28:15

An vreder neb a glewsa a-dro dhyn a dheuth alena bys yn Marghas Appius ha Tri Thavern rag metya orthyn. Orth aga gweles, Powl a rassas dhe Dhuw ha kemmeres kolonn.

1 Korinthianys 15:7

Wosa henna ev a omdhiskwedhas dhe Jamys, ena dhe'n abesteli oll.

Galatianys 1:19

mes ny welis abesteli erell vyth marnas Jamys broder an Arloedh.

Galatianys 2:12

Rag kyns neb tus dhe dhos dhiworth Jamys, ev a dhybri gans an Jentilys; mes pan dheuthons i, ev a omdennas ha diberth ow perthi own a dus an trodreghyans.

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!