Oberow 11:24 - An Bibel Kernewek 20234 (Kernewek Kemmyn)

²⁴ rag gour da o, leun a'n Spyrys Sans hag a fydh. Ha niver meur a dus a veu keworrys dhe'n Arloedh.

Oberow 11:24 ပူးပေါင်းရင်းမြစ်များ

2 Samuel 18:27

An goelyador a leveris, ‘My a dyb an kynsa gour dhe boenya kepar hag Ahimaas mab Sadok.’ An myghtern a leveris, ‘Ev yw gour da hag ev a dheu gans nowodhow.’

Salmow 112:5

Dremas yw grassyes hag ev a re kendon; ev a dhyght y negysyow gans breus.

Salmow 37:23

Kammow gour yw fastys gans an Arloedh, hag ev a gemmer plesour yn y fordh.

Lavarow Koth 12:2

Den da a gyv favour gans an Arloedh, mes gour a dhevisyow ev a dhampen.

Lavarow Koth 13:22

Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 14:14

Den dislen yn y golonn a vydh attylys rag y fordhow, mes gour da a vydh gobrys rag y weythresow.

Matthew 12:35

An den da a dhre taklow da yn-mes a'y dresor da, ha'n drog dhen a dhre droktaklow yn-mes a'y dhroktresor.

Matthew 19:17

Yn-medh ev dhodho, ‘Prag y hwovynnydh orthiv a-dro dhe'n dra yw mas? Onan yma neb yw mas. Mar mynnydh mos a-bervedh y'n bewnans na, gwith an gorhemmynnow.’

Luk 23:50

Hag otta, yth esa gour henwys Yosep, esel a'n konsel, gour da ha gwiryon;

Yowann 7:12

Hag yth esa krodhvol meur y'n routh yn y gever; rag re a leveri, ‘Dremas yw’, mes re erell a leveri, ‘Nag yw, mes ev a doell an routh.’

Oberow 11:21

Hag yth esa leuv an Arloedh gansa, ha niver meur a grysis ha treylya dhe'n Arloedh.

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Oberow 5:14

Ha moy a gryjygyon a veu keworrys dhe'n Arloedh, niverow bras hag a wer hag a venynes.

Oberow 6:3

Rakhenna, breder, hwilewgh yn agas mysk seyth gour gerys-da, leun a'n Spyrys hag a furneth, neb a wren ni apoyntya dhe'n charj ma;

Oberow 6:5

Ha'n lavar a blesyas an gemmynieth oll, hag i a dhewisas Stefan, gour leun a fydh hag a'n Spyrys Sans, ha Felip ha Proghorus ha Nikanor ha Timon ha Parmenas ha Nikolas, proselyt a Antiogh.

Oberow 6:8

Ha Stefan, leun a ras hag a nell, a wrug marthusyon meur hag toknys yn mysk an bobel.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Romanyon 15:15

Ha my a skrifas dhywgh moy hardh, yn rann dhe dhri dh'agas kov, der an ras a veu res dhymm gans Duw,

Romanyon 5:7

Praga, skant ny vynnir merwel rag den gwiryon – kyn fedhir martesen merwel rag densa.