Oberow 10:28 - An Bibel Kernewek 20234 (Kernewek Kemmyn)

²⁸ ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Oberow 10:28 ပူးပေါင်းရင်းမြစ်များ

Ysay 65:5

Yn-medhons, ‘Avod, na dheus nes dhymm, rag yth ov vy re sans ragos.’ An re ma yw mog y'm dewfrik, tan ow leski oll an jydh.

Mark 7:2

Hag i a welas re a'y dhyskyblon ow tybri bara gans diwla defolys, henn yw, heb aga golghi

Luk 18:11

An Farise a sevis ha pysi yndella orto y honan: “Duw, my a woer gras dhis nag ov vy avel tus erell, ladron, tus gammhynsek, avoutroryon, nag ynwedh avel an toller ma.

Yowann 18:28

Ena i a hembronkas Yesu dhiworth Kayfas bys y'n pretorium. Myttin a-varr o hi. Nyns ethons i aga honan a-bervedh y'n pretorium, ma na vens i defolys, mes may hallens dybri an pask.

Yowann 4:27

Gans henna y dhyskyblon a dheuth ha marth a's teva ev dhe gewsel gans benyn; byttegyns denvyth ny leveris, ‘Pandr'a hwilydh?’, po ‘Prag y kewsydh gensi?’

Yowann 4:9

Ena yn-medh an venyn a Samaria, ‘Fatell wredh jy, ha ty Yedhow, pysi dowr ahanav vy, ha my benyn a Samaria?’ Rag ny geskowethyons Yedhewon gans Samaritanys.

Oberow 10:29

rakhenna dhe wir pan veuv gelwys my a dheuth heb hokya. My a wovynn, ytho, prag y tannvensowgh hwi war ow lergh?’

Oberow 11:9

Ha nessa gweyth an lev a worthybis mes a nev, “An taklow re lanhas Duw, na's galw kemmyn.”