Obadia 1:18 - An Bibel Kernewek 20234 (Kernewek Kemmyn)

¹⁸ Chi Yakob a vydh tan, ha chi Yosep a vydh flamm; chi Esaw a vydh sowl, hag i a worr tan ynna ha'ga devorya. Ny vydh denvyth gesys a ji Esaw, rag an Arloedh re gewsis.

Obadia 1:18 ပူးပေါင်းရင်းမြစ်များ

2 Samuel 19:20

Rag my dha was a woer my dhe begha, hag otta devedhys ov hedhyw, an kynsa dhiworth oll chi Yosep dhe dhos yn-nans dhe vetya ow arloedh an myghtern.’

Eksodus 5:12

Ytho an dus a veu skattrys a-les dre bow Ejyp oll, ow kuntell sowl rag kala.

Ysay 10:17

Golow Ysrael a vydh avel tan, ha'y Sans avel flamm; hag ev a lesk ha devorya y spedhas ha'y spern yn unn jydh.

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Ysay 47:14

Mir, avel sowl yth yns, an tan a's lesk; ny's teves omdhelivra dhiworth nerth an flamm. Nyns yw hemma glow rag omdoemma, na tan mayth esedhir a-ragdho.

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Yeremia 11:23

Ha ny vydh remenant anedha: rag my a dhre anfeusi war wer Anathoth, yn blydhen aga hessydhyans.

Ezekiel 37:16

Ha ty, A vab den, kemmer dhis dha honan unn prenn ha skrif warnodho, ‘Rag Yuda, ha rag mebyon Ysrael y gowetha.’ Ena kemmer unn prenn arall ha skrif warnodho, ‘Rag Yosep, prenn Efraym, ha rag oll chi Ysrael y gowetha.’

Ezekiel 37:19

lavar dhedha, Yndellma y lever an Arloedh Duw: Otta, my a gemmer prenn Yosep usi yn leuv Efraym, ha loethow Ysrael y gowetha ha'ga junya gans prenn Yuda ha'ga gul dhe vos unn prenn, hag i a vydh onan y'm leuv.

Yoel 2:5

Kepar ha gans tros charettow, lemmel a wrons war bennow an menydhyow, avel tros flamm tan ow tevorya an sowl, avel pobel grev arayys rag kas.

Amos 1:8

Terri a wrav an annedhyas dhiworth Ashdod, ha'n den a syns an welenn dhiworth Ashkelon, ha my a dreyl ow dorn erbynn Ekron; ha remenant an Filistysi a dhe goll, yn-medh an Arloedh Duw.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Amos 6:6

I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

Obadia 1:16

Rag kepar dell wrussowgh eva war ow menydh sans, yn kettella y hwra an kenedhlow oll eva heb hedhi. Eva a wrons, ha lenki, hag y fydhons kepar ha pan nag esens bythkweth yn few.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

1 Korinthianys 3:12

Mar trehav nebonan, ytho, war an sel gans owr, arghans, meyn drudh, prenn, goera, kala,