Obadia 1:17 - An Bibel Kernewek 20234 (Kernewek Kemmyn)

¹⁷ Mes war venydh Sion y fydh remenant a'n re a dhienk, hag y fydh tyller sans. Ha chi Yakob a dhaskemmer eretons an dus a gemmersa aga eretons i.

Obadia 1:17 ပူးပေါင်းရင်းမြစ်များ

Salmow 69:35

Rag Duw a selow Sion, ha drehevel sitys Yuda; hag i a drig ena ha'y ferghenna.

Ysay 1:27

Sion a vydh dasprenys dre wirvreus, ha'n re anedha a dhehwel, der ewnder.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Yeremia 44:14

ny wra nagonan a remenant Yuda, yw gyllys dhe driga yn pow Ejyp, diank na skapya dhe dhehweles dhe bow Yuda dhe driga ena; kyn hwansons dehweles dhe driga ena, ny dhehwelons, marnas nebes fowesigyon.

Yeremia 44:28

Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Ezekiel 36:12

My a wra dhe dus kerdhes warnowgh, ow fobel Ysrael, hag i a wra dha berghenna, ha ty a vydh aga eretons, ha nevra namoy vydhydh orth aga gul anvap.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Daniel 7:18

mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Yoel 3:5

Rag hwi re gemmeras ow arghans ha'm owr, ha doen ow thresoryow teg yn agas templow.

Amos 9:8

Otta, yma dewlagas an Arloedh Duw war wlaskor an peghes, ha my a's distru dhiwar enep an nor. Mes ny gowldhistruav chi Yakob, yn-medh an Arloedh.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.