Obadia 1:15 - An Bibel Kernewek 20234 (Kernewek Kemmyn)

¹⁵ Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Obadia 1:15 ပူးပေါင်းရင်းမြစ်များ

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Job 24:1

‘Prag nag yw termynyow rag breus gwithys gans an Ollgalloesek, ha prag na wel y dhydhyow an re a'n aswonn?

Salmow 137:8

A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Yeremia 12:14

Yndellma y lever an Arloedh erbynn oll ow thebel gentrevogyon, a doch an eretons a res dhe'm pobel Ysrael dh'y erita: Otta, my a's fes yn-mes a'ga thir, ha fesya chi Yuda a'ga mysk.

Yeremia 49:12

Rag yndellma y lever an Arloedh: Otta, seul na veu breusys dhe eva an hanaf a dal hwath y eva, ytho a vydhydh ty heb kessydhyans vyth? Ny vydhydh heb kessydhyans; res yw dhis y eva.

Yeremia 50:29

Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

Yeremia 51:56

rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

Ezekiel 30:3

Rag ogas yw an jydh, ogas yw dydh an Arloedh; y fydh dydh a gommol, prys breus an kenedhlow.

Ezekiel 35:11

rakhenna, dell vewav, yn-medh an Arloedh Duw, my a'th tyght war-lergh dha sorr ha war-lergh dha avi a dhiskwedhsys, drefenn dha gas er aga fynn; ha my a vydh aswonnys yntredha pan wrav dha vreusi.

Ezekiel 35:15

Kepar dell lowenhasys erbynn eretons chi Ysrael, drefenn y vos ynyalder, yndella my a wra dha dhyghtya; ty a vydh ynyalder, menydh Seir, hag Edom kowal. Ena i a woer my dhe vos an Arloedh.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Yoel 2:1

Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Yoel 2:11

Ha'n Arloedh a wra dyllo y lev a-dherag y lu, rag y gaslys yw pur vras, ha krev yw ev neb a gollenow y er. Rag meur yw dydh an Arloedh ha pur euthyk; ha piw a yll y berthi?

Amos 5:18

Go-i an re yw hwansek dhe dhydh an Arloedh! Pandr'a vydh dydh an Arloedh dhy'hwi? Tewlder vydh, ny vydh golow;

Amos 5:20

A nyns yw dydh an Arloedh tewlder a-der golow, ha tewlder heb gwynnder vyth ynno?

Mika 5:15

Hag yn sorr hag yn konnar y talvydhav dial war an kenedhlow na obayas.

Habakkuk 2:8

Rag ty dhe bylla lies kenedhel, an remenant oll a'n kenedhlow a'th pyll; drefenn goes mab-den, ha garowder erbynn tiryow, erbynn sitys, hag oll an dus usi trigys ynni.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.