Niverow 9:15 - An Bibel Kernewek 20234 (Kernewek Kemmyn)

¹⁵ Y'n jydh may feu sevys an tabernakel, an gommolenn a gudhas an tabernakel, tylda an dustuni; ha dhe'n gorthugher yth esa a-ugh an tabernakel kepar ha semlans tan bys y'n myttin.

Niverow 9:15 ပူးပေါင်းရင်းမြစ်များ

Nehemia 9:12

Gans koloven a gommol ty a's hembronkas y'n jydh ha gans koloven a dan y'n nos, dhe wolowi ragdha an fordh mayth ellens.

Nehemia 9:19

ty, yn dha dregeredh vras, ny's forsaksys y'n gwylvos; ny dhibarthas an goloven a gommol dhiworta y'n jydh rag aga hembronk y'n fordh, na'n goloven a dan y'n nos rag ri golow dhedha war a'n fordh mayth ellens.

Salmow 105:39

Ev a lesas kommolenn yn kudhans, ha tan dhe ri golow nosweyth.

Salmow 78:14

Ha dydhweyth ev a's hembronkas gans kommolenn, ha dres an nos gans golow tan.

Eksodus 13:21

Ha'n Arloedh eth a-dheragdha dydhweyth yn koloven a gommol dh'aga hembronk war an hyns, ha nosweyth yn koloven a dan dhe ri golow dhedha, may hallens mones dydh ha nos;

Eksodus 13:22

ha ny gemmeras dhe-ves an goloven a gommol dydhweyth na'n goloven a dan nosweyth dhiworth an bobel.

Eksodus 14:24

Hag yn goel an myttin an Arloedh y'n goloven a dan ha kommol a viras war-woeles war lu an Ejyptianys, ha gorra lu an Ejyptianys yn deray,

Eksodus 40:2

Y'n kynsa dydh a'n kynsa mis ty a dhrehav tabernakel tylda an kuntelles.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Eksodus 40:35

Ha ny ylli Moyses entra tylda an kuntelles drefenn an gommolenn dhe bowes warnodho, ha golewder an Arloedh a lenwis an tabernakel.

Eksodus 40:38

Rag yn oll aga herdhow yth esa kommolenn an Arloedh war an tabernakel dydhweyth, hag yth esa tan ynni nosweyth, a-wel chi Ysrael oll.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Niverow 10:34

Hag yth esa kommolenn an Arloedh warnedha dydhweyth, peskweyth mayth ethons a'n kamp.

Niverow 14:14

hag i a lever hemma dhe drigoryon an tir ma. I re glewas ty dhe vos, A Arloedh, yn mysk an bobel ma; rag ty, A Arloedh, yw gwelys fas orth fas, ha dha gommolenn a sev a-ughta ha ty a a-dheragdha, yn koloven kommol dydhweyth hag yn koloven tan nosweyth.

Niverow 17:7

Ha Moyses a worras an gwelynni a-rag an Arloedh yn tylda an dustuni.

1 Korinthianys 10:1

Ny vynnav, breder, hwi dhe vos heb godhvos bos agan tasow oll yn-dann an gommolenn, hag i oll a dremenas der an mor,

Dewteronomi 1:33

ow kerdhes a-ragowgh y'n fordh dhe hwilas le rag agas kampya, yn tan nosweyth dhe dhiskwedhes dhywgh an fordh a gerdhowgh ynni, hag yn kommol dydhweyth.’