Niverow 9:14 - An Bibel Kernewek 20234 (Kernewek Kemmyn)

¹⁴ Ha mar kodrik alyon yn agas mysk, hag a with an pask dhe'n Arloedh, war-lergh ordenans an pask ha war-lergh y rewlys, yndellma y hwra; hwi a'gas bydh unn ordenans, ha dhe'n alyon ha dhe'n genesik.

Niverow 9:14 ပူးပေါင်းရင်းမြစ်များ

Ezra 6:21

Mebyon Ysrael hag a dhehwelis mes a'n divroedh, hag oll an re a junyas gansa ha diberth aga honan a-dhiworth mostedhes kenedhlow an tir, rag hwilas an Arloedh, Duw Ysrael, a dhybris,

Eksodus 12:43

Ha'n Arloedh a leveris dhe Moyses hag Aron, Hemm yw ordenans an pask: ny wra estren dybri anodho.

Eksodus 12:47

Ha kuntelles Ysrael oll a wra y witha.

Levitikus 19:10

Ny wre'ta destryppya dha winlann, na kuntell an grappys yw koedhys. Ty a's gas rag an voghosogyon ha'n alyons. An Arloedh agas Duw ov vy.

Levitikus 22:25

Dhiworth dorn alyon ny wrewgh hwi offrynna boes dha Dhuw a'n keth bestes ma, rag bos fowtow ha nammow ynna. Ny vydhons kemmeradow ragowgh.

Levitikus 24:22

Y fydh unn lagha dhywgh, an alyon ha'n genesik maga ta, rag an Arloedh agas Duw ov vy.

Levitikus 25:15

Ty a bren dhiworth dha gentrevek orth an myns a'n blydhynyow wosa an yubile; hag ev a'n gwerth dhis orth an myns a'n blydhynyow a frut yw gesys.

Niverow 15:15

Rag an gemmynieth, y fydh unn ordenans ragowgh ha rag an alyon usi trigys genowgh, ordenans bys vykken der agas henedhow; par dell owgh, yndella y fydh an alyon a-rag an Arloedh.

Niverow 15:16

Unn lagha hag unn rewl a vydh ragowgh hwi ha rag an alyon a wodrik genowgh.

Dewteronomi 29:11

agas fleghes, agas benynes, an alyon usi a-ji dhe'th kamp, dhiworth kuntellor dha geunys bys tenner dha dhowr,

Dewteronomi 31:12

Kuntell an bobel, an wer, ha'n benynes, ha'n fleghes, ha'n alyon usi y'th yetys, rag may klewvons ha rag may tyskons ha perthi own a'n Arloedh agas Duw ha gwaytyas gul oll geryow an lagha ma,