Niverow 8:17 - An Bibel Kernewek 20234 (Kernewek Kemmyn)

¹⁷ Rag pub kynsa-genys yn mysk mebyon Ysrael yw dhymm, ha den ha best; y'n jydh may ledhis pub kynsa-genys yn pow Ejyp my a's sakras dhymm ow honan,

Niverow 8:17 ပူးပေါင်းရင်းမြစ်များ

Salmow 105:36

Hag ev a weskis pub kynsa-genys yn aga thir, an flour a oll aga nerth.

Salmow 135:8

Ev a weskis an re gynsa-genys a Ejyp, ha tus hag enyvales.

Salmow 78:51

Hag ev a weskis pub kynsa-genys yn Ejyp, kynsa frut aga nerth yn tyldow Ham.

Eksodus 12:29

Dhe hanter-nos an Arloedh a weskis pub kynsa-genys yn pow Ejyp, a gynsa-genys Faro esedhys war y dron dhe gynsa-genys an prisner esa y'n dhorvagh, ha kynsa-genys oll an gwarthek.

Eksodus 13:2

Sansha dhymm pub kynsa-genys; an kynsa dhe igeri an brys yn mysk mebyon Ysrael, ha den ha best, yw dhymm.

Eksodus 29:44

My a saker tylda an kuntelles ha'n alter; Aron ynwedh ha'y vebyon my a wra sakra, dhe'm servya avel oferysi.

Ezekiel 20:12

Ynwedh my a ros dhedha ow sabotys, dhe vos tokyn yntra my hag i, rag mayth aswonnens my dhe vos an Arloedh, neb a's sansha.

Levitikus 27:26

Mes ny saker denvyth kynsa-genys neb best, rag an Arloedh a bew pub kynsa-genys, ojyon po davas kyn fo. An Arloedh a'n pew.

Niverow 3:13

rag pub kynsa-genys yw dhymm; y'n jydh may ledhis pub kynsa-genys yn pow Ejyp, my a sakras dhymm ow honan pub kynsa-genys yn Ysrael, hag a vab-den hag a vest; i a vydh dhymm: my yw an Arloedh.’

Niverow 8:18

ha my re gemmeras an Levysi yn le pub kynsa-genys yn mysk mebyon Ysrael.

Luk 2:23

(dell yw skrifys yn lagha an Arloedh, ‘Pub gorow a iger an brys a vydh gelwys sans dhe'n Arloedh’),

Yowann 10:36

a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 17:19

Hag a-barth dhedha i omsakra a wrav ow honan, rag may fons i ynwedh sakrys y'n gwirder.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 11:28

Dre fydh ev a bareusis an pask ha skoellya an goes, ma na's tocchya distruer an re gynsa-genys.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.