Niverow 6:20 - An Bibel Kernewek 20234 (Kernewek Kemmyn)

²⁰ Ha'n oferyas a wra aga gwevya rag offrynn gwevys a-rag an Arloedh; i yw rann sans dhe'n oferyas, war-barth gans an vronn a vydh gwevys ha'n vordhos a vydh drehevys; ha wosa henna an naziryas a yll eva gwin.

Niverow 6:20 ပူးပေါင်းရင်းမြစ်များ

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Levitikus 10:15

I a dhre mordhos an offrynn drehevys ha'n vronn wevys gans an offrynnow a vlonek gwrys dre dan, dhe wevya rag offrynn gwevys dherag an Arloedh, hag y fydh dhiso jy ha dhe'th vebyon genes avel ordenans bys vykken, dell erghis an Arloedh.

Levitikus 23:11

hag ev a wev an vanal dherag an Arloedh, may fowgh kemmeradow. An oferyas a'n gwev an myttin wosa an sabot.

Levitikus 7:30

Ev a dhre gans y dhiwdhorn y honan an offrynnow dre dan a'n Arloedh; ev a dhre an blonek gans an vronn, dhe wevya an vronn avel offrynn gwevys dherag an Arloedh.

Levitikus 7:31

An oferyas a lesk an blonek war an alter, mes an vronn a vydh dhe Aron ha'y vebyon.

Levitikus 7:32

Hwi a re an vordhos dhyghow dhe'n oferyas avel offrynn drehevys dhiworth sakrifisow agas offrynnow kres.

Levitikus 7:34

Rag my re gemmeras bronn an offrynn gwevys ha mordhos an offrynn drehevys dhiworth mebyon Ysrael, dhiworth sakrifisow aga offrynnow kres ha'ga ri dhe Aron an oferyas ha'y vebyon der ordenans bys vykken dhiworth mebyon Ysrael.

Levitikus 9:21

Hag Aron a wevyas an bronnow ha'n vordhos dhyghow rag offrynn gwevys dherag an Arloedh, dell erghis Moyses.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Niverow 18:18

mes aga hig a vydh dhis; kepar dell yw dhis an vronn yw gwevys ha'n vordhos dhyghow.

Niverow 5:25

Ena an oferyas a wra kemmeres offrynn an greun a avi yn-mes a leuv an venyn, ha gwevya offrynn an greun a-rag an Arloedh ha'y dhri dhe'n alter;

Niverow 6:21

Hemm yw an lagha rag an naziryas a wra an ambos. Y offrynn dhe'n Arloedh a vydh herwydh y ambos nazirek, war-barth gans an pyth may hyll kavoes an pygans ragdho; herwydh y ambos a wrello, yndella ev a wra herwydh an lagha rag y sakrans avel naziryas.

Matthew 26:29

My a lever dhywgh, ny evav namoy alemma rag a'n frut ma a'n gwinbrenn bys y'n jydh na ma'n evav genowgh nowydh yn gwlaskor ow Thas.’

Mark 14:25

Yn hwir y lavarav dhywgh, ny wrav vy eva namoy a frut an gwinbrenn bys y'n jydh na ma'n evav nowydh yn gwlaskor Duw.’

Yowann 19:30

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.