Niverow 36:2 - An Bibel Kernewek 20234 (Kernewek Kemmyn)

² I a leveris, ‘An Arloedh a worhemmynnis dhe'm arloedh may rollens tir avel eretons gans tewlel prenn dhe vebyon Ysrael; hag ow arloedh a veu gorhemmynnys gans an Arloedh dhe ri eretons Selofehad agan broder dh'y vyrghes.

Niverow 36:2 ပူးပေါင်းရင်းမြစ်များ

Niverow 33:54

Hwi a wra ranna an tir rag eretons gans tewlel prenn herwydh agas teyluyow; dhe loeth bras hwi a re eretons bras, ha dhe loeth byghan hwi a re eretons byghan; dhe neb a goettho an prenn, henna a vydh dhodho; herwydh loethow agas tasow hwi a wra herya.

Job 42:15

Y'n wlas oll nyns o benynes kevys mar deg avel myrghes Job, ha'ga thas a ros dhedha eretons war-barth gans aga breder keffrys.

Yoshua 13:6

My a fes a-rag an Ysraelysi oll trigoryon an vro venydhyek a-dhiworth Lebanon bys Misrefoth-maym, hag oll an Sidonysi. Lemen gwra henna dhe goedha rag an Ysraelysi avel aga eretons, dell worhemmynnis dhis.

Niverow 36:3

Mes mars yns demmedhys dhe vebyon bynag a loethow erell a vebyon Ysrael ena aga eretons a vydh kemmerys a-dhiworth eretons agan tasow, ha keworrys dhe eretons an loeth mayth esons ynno; ytho y fydh kemmerys dhe-ves a-dhiworth myns agan eretons.