Niverow 35:33 - An Bibel Kernewek 20234 (Kernewek Kemmyn)

³³ Ny dal dhywgh defola an tir mayth esowgh trigys; rag goes a dhefol an tir, ha ny yll prenedh vyth bos gwrys rag an tir, drefenn an goes yw skoellys ynno, marnas der an goes a neb a'n skoellyas.

Niverow 35:33 ပူးပေါင်းရင်းမြစ်များ

Salmow 106:38

ha skoellya goes gwiryon, goes aga mebyon ha'ga myrgh, neb a offrynnsons dhe dhuwow Kanan; ha'n tir a veu defolys gans goes.

Mika 4:11

Ha lemmyn kenedhlow pals re omguntellas er dha bynn, ow leverel, ‘Bedhes hi disakrys, re wrello agan dewlagas mires war derroes Sion.’

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

2 Myghternedh 23:26

Hwath ny dreylyas an Arloedh dhiworth fellder y sorr bras, a dhewis erbynn Yuda, drefenn oll an taklow re wrussa Manasse dhe brovokya y sorr.

Levitikus 18:25

ha defolys yw an tir. Ytho my a'n kessydhyas rag y gammweyth, ha'n tir y honan a hwyj yn-mes y drigoryon.

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

Salmow 106:28

Hag i a lenas orth Baal-peor, ha dybri offrynnow an re varow.

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Niverow 35:32

Ha ny dhegemmerowgh daspren vyth rag ev neb re fias dh'y sita veneghi, may hallo dehweles dhe driga y'n tir kyns es mernans an oferyas.

Dewteronomi 19:10

ma na vo goes gwiryon skoellys y'th tir a wra an Arloedh dha Dhuw y ri dhis avel eretons, ha ty dhe vos kablus a skoellya goes.

Breusysi 9:24

Hemma a hwarva rag may fe diellys an drog re bia gwrys dhe'n deg mab ha tri-ugens a Yerubbaal ha may fe aga goes gorrys war aga broder Abimelek, neb a's ladhas, ha war arlydhi Shekem, neb a grevhas y dhiwdhorn rag ladha y vreder.

1 Myghternedh 2:31

Yn-medh an myghtern dhodho, ‘Gwra dell leveris ev: koedh warnodho, ha'y ynkleudhyas. Yndella ty a gemmer dhiworthiv ha dhiworth chi ow thas kabel an goes gwiryon a wrug Yoab y skoellya.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Dewteronomi 19:13

Na gemmeres dha lagas pita anodho, mes karth kabel an goes gwiryon dhiworth Ysrael, may fo yn ta dhis.

2 Samuel 3:29

Re goettho an goes war benn Yoab, ha war oll chi y das; ha bynner re bo chi Yoab heb unn den a'n jeves sygerans, po yw klavorek, po a boes war y lorgh, po a goedh der an kledha, po a fyll a vara.’

2 Samuel 21:9

hag ev a's ros yn leuv an Gibeonysi, hag i a's krogas yn-bann war an menydh a-rag an Arloedh. Oll seyth anedha a goedhas war-barth; I a veu gorrys dhe'n mernans yn kynsa dydhyow an drevas, yn dalleth trevas an heydh.

2 Kroniklys 23:15

I a settyas dalghenn ynni; hi a dheuth dhe entrans Yet an Vergh yn chi an myghtern, hag ena i a's ladhas.