Niverow 35:30 - An Bibel Kernewek 20234 (Kernewek Kemmyn)

³⁰ Mar lattho neb den, an moldrer a vydh gorrys dhe'n mernans war dhustuni dustunioryon; mes ny vydh denvyth gorrys dhe'n mernans war dhustuni unn dustunier.

Niverow 35:30 ပူးပေါင်းရင်းမြစ်များ

Eksodus 21:12

Piwpynag a wesko den may ferow a vydh gorrys dhe'n mernans.

Levitikus 24:17

Ha neb a ladh denvyth a vydh gorrys dhe'n mernans yn sur.

Niverow 35:16

Mes mara'n gweskis gans daffar a horn, may ferwis, ev yw moldrer; an moldrer a vydh gorrys dhe'n mernans.

Niverow 35:31

Ha moy, ny dhegemmerowgh daspren rag bewnans moldrer, yw kablus a vernans; mes ev a vydh gorrys dhe'n mernans.

Matthew 18:16

mes mar ny goslow, kemmer genes onan po dew arall may fo pub lavar destys dre anow dew po tri dustunier;

Yowann 7:51

‘A wra agan lagha breusi den heb goslowes orto kyns, ha godhvos pandr'a wra?’

2 Korinthianys 13:1

Homm yw an tressa gweyth may tov dhywgh; ‘Res yw pub mater dhe vos skoedhys dre anow dew po tri dustunier.’

Dewteronomi 19:15

Ny wra unn dustunier sevel erbynn gour a-dro dhe neb kammweyth po neb pegh, yn pegh pynag a wrello. Dre dhustuni dew dhustunier po dre dhustuni tri dustunier an dra a sev.

Dewteronomi 27:24

‘Mollothek yw ev neb a ladh y gentrevek yn-dann gel.’ Ena oll an bobel a lever, ‘Amen.’

1 Timothi 5:19

Na wra degemmeres kuhudhans erbynn henavek marnas war lavar dew po tri dustunier.

Ebrowyon 10:28

Neb re dhenaghas lagha Moyses a verow heb truedh ‘war dhustuni dew po tri dustunier.’

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’