Niverow 35:2 - An Bibel Kernewek 20234 (Kernewek Kemmyn)

² Gorhemmynn dhe vebyon Ysrael, may rollons dhe'n Levysi, a-dhiworth eretons aga ferghennogeth, sitys dhe driga ynna; ha hwi a re dhe'n Levysi peurvaow a-dro dhe'n sitys.

Niverow 35:2 ပူးပေါင်းရင်းမြစ်များ

1 Kroniklys 13:2

Davydh a leveris dhe oll kuntelles Ysrael, ‘Mar hevel da dhywgh, ha mars yw bodh an Arloedh agan Duw, dannvenyn ni kannasow dh'agan breder trigys yn pow Ysrael oll, hag ynwedh dhe'n oferysi ha'n Levysi y'n sitys a's teves peurvaow, may teffons war-barth dhyn.

2 Kroniklys 11:14

An Levysi re assa aga feurvaow ha'ga ferghennogeth ha re dhothya dhe Yuda ha dhe Yerusalem, drefenn Yeroboam ha'y vebyon re's lettsa a servya avel oferysi an Arloedh,

2 Kroniklys 31:19

ha rag mebyon Aron, an oferysi trigys y'n powdir yn tiredh pubonan a'ga threvow, gwer apoyntys herwydh aga hanow a lesranna rannow dhe bub gorreydh yn mysk an oferysi, ha dhe bubonan omrolys yn mysk an Levysi.

Nehemia 13:10

My a dhyskas ynwedh na via res rannow an Levysi dhedha, ha'n Levysi ha'n ganoryon a asas an ober yn chi Duw ha slynkya dhe-ves rag gonedha aga gwelyow aga honan.

Ezekiel 48:22

Perghennogeth an Levysi ha perghennogeth an sita a vydh yn kres an pyth usi dhe'n pennsevik. Perghennogeth an pennsevik a vydh ynter or Yuda hag or Benyamin.

Ezekiel 48:8

Ryb or Yuda, dhiworth tenewen an est bys tenewen an west, y fydh an offrynn a offrynnowgh, pymp warn ugens a vilyow y les, ha'y hirder kepar ha'n rannow erell, dhiworth tenewen an est bys tenewen an west; ha'n sentri a vydh y'n kres anodho.

Niverow 35:1

An Arloedh a leveris dhe Moyses, yn plenys Moab ryb Yordan a-dal Yeriko:

Niverow 35:3

An sitys a vydh dhedha dhe driga ynna, aga feurvaow a vydh dh'aga gwarthek ha'ga chatel ha rag oll aga bestes.

Dewteronomi 18:6

Mar teffo Levyas dhiworth onan a'th yetys yn-mes a Ysrael oll, usi ow kodriga ena, ha dos yn oll desir y enev dhe'n tyller a wra an Arloedh y dhewis,