Niverow 34:12 - An Bibel Kernewek 20234 (Kernewek Kemmyn)

¹² ha'n or a wra diyskynna dhe'n Yordan, ha'y dhiwedh a vydh Mor an Hoelan. Hemma a vydh agas tir ha'y oryon oll a-dro.

Niverow 34:12 ပူးပေါင်းရင်းမြစ်များ

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 14:3

Oll an re ma a veu kuntellys war-barth yn nans Siddim (henn yw Mor an Hoelan).

Eksodus 23:31

Ha my a wra settya dha oryon a'n Mor Rudh dhe vor an Filistysi, hag a'n gwylvos dhe'n Ewfrates; rag my a re annedhysi an tir yn agas dorn, ha ty a wra aga fesya a-ragos.

Ezekiel 47:13

Yndellma y lever an Arloedh Duw: An re ma yw an oryon may hwrewgh ranna an tir avel eretons rag an dewdhek loeth a Ysrael. Y fydh diw rann dhe Yosep.

Niverow 34:11

ha'n or a wra diyskynna a-dhiworth Shefan dhe Ribla a'n barth est dhe Ain; ha'n or a wra diyskynna, ha drehedhes skoedh mor Kinnereth a'n est;

Niverow 34:13

Moyses a worhemmynnis dhe vebyon Ysrael, ow leverel: Hemm yw an tir a heryowgh gans tewlel prenn, re worhemmynnis an Arloedh dhe ri dhe'n naw loeth ha dhe'n hanter-loeth;

Niverow 34:3

agas tenewen dyghow a vydh a-dhiworth gwylvos Sin, ryb amal Edom; hag y'n est, agas or dhyghow a vydh dhiworth penn Mor an Hoelan;

Yoshua 13:1

Gyllys koth o Yoshua yn y dhydhyow; ha'n Arloedh a leveris dhodho, ‘Gyllys koth osta yn dha dhydhyow, hag yma gesys pur veur a dir rag bos eritys.

Yoshua 15:5

Or an howldrevel o Mor an Hoelan bys ganow an Yordan. Yth esa or an gledhbarth dhiworth taves an mor orth ganow an Yordan;