Niverow 32:22 - An Bibel Kernewek 20234 (Kernewek Kemmyn)

²² ha'n tir bos fethys a-dherag an Arloedh; a-wosa, hwi a wra dehweles ha bos heb blam a-rag an Arloedh hag a-rag Ysrael; ha'n tir ma a vydh agas perghennogeth a-dherag an Arloedh.

Niverow 32:22 ပူးပေါင်းရင်းမြစ်များ

2 Samuel 3:28

Hag a-wosa, pan glewas Davydh anodho, yn-medh ev, ‘My ha'm gwlaskor yw divlam dherag an Arloedh bys vykken dhiworth goes Abner mab Ner.

Salmow 78:55

Hag ev a bellhas an kenedhlow a-dheragdha, hag a's rannas dhedha yn ertach, ha gul dhe loethow Ysrael triga yn aga thyldow i.

Levitikus 14:34

Pan dhyffowgh a-ji dhe bow Kanan, a rov dhywgh rag perghennogeth, ha pan worriv pla lovryjyon yn neb chi yn tir dha berghennogeth,

Niverow 32:21

ha pub gour ervys ahanowgh a wra tremena dres an Yordan a-dherag an Arloedh, erna vo y eskerens herdhys yn-mes a-dheragdho

Dewteronomi 3:20

bys pan re an Arloedh powes dh'agas breder, kepar dell ros dhywgh hwi, hag i ynwedh a erit an tir usi an Arloedh agas Duw ow ri dhedha dres an Yordan. Ena pubonan a dhehwel dh'y eretons re res dhywgh.’

Yoshua 1:15

bys pan re an Arloedh powes dh'agas breder kepar ha hwi, hag i ynwedh a erit an tir usi an Arloedh agas Duw ow ri dhedha. Hwi a dhehwel dhe dir agas eretons ha'y gemmeres yn perghennogeth, an tir a ros Moyses gwas an Arloedh dhywgh dres an Yordan troha'n howldrehevel.’

Yoshua 10:30

Ha'n Arloedh a ros an sita na ynwedh ha'y vyghtern yn leuv Ysrael; Yoshua a's gweskis gans vin an kledha, ha peub esa ynni; ny asas dhe vos gesys remenant ynni; hag ev a wrug dh'y myghtern dell wrussa dhe vyghtern Yeriko.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 13:8

An Rewbenysi ha'n Gadysi re gemmersa aga eretons a ros Moyses dhedha, a'n howldrevel dhe'n Yordan, dell ros Moyses gwas an Arloedh dhedha:

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Yoshua 2:19

Piwpynag ello yn-mes a dharasow dha ji bys y'n stretys, y woes ev a vydh war y benn y honan, ha kwit vydhyn. Mes piwpynag a vo genes y'n chi, y woes ev a vydh war agan penn ni mars yw tewlys diwla warnodho.

Yoshua 22:4

Ha lemmyn an Arloedh agas Duw re ros powes dh'agas breder, dell ambosas dhedha. Ytho lemmyn treylyewgh ha mos dh'agas tyldow ha dhe dir agas perghennogeth a ros Moyses gwas an Arloedh dhywgh dres an Yordan.

Yoshua 22:9

Ytho mebyon Rewben ha mebyon Gad ha hanter-loeth Manasse a dhehwelis ha diberth a'n Ysraelysi yn Shilo, usi yn pow Kanan, rag mos dhe bow Gilead, dhe dir aga ferghennogeth re gemmersens war-lergh ganow an Arloedh dre leuv Moyses.