Niverow 31:8 - An Bibel Kernewek 20234 (Kernewek Kemmyn)

⁸ I a ladhas myghternedh Midyan, gans an re erell anedha a veu ledhys – Evi, Rekem, Sur, Hur, ha Reba, an pymp myghtern a Midyan; hag ynwedh i a ladhas Balaam mab Beor gans an kledha.

Niverow 31:8 ပူးပေါင်းရင်းမြစ်များ

Salmow 10:2

An tebelwas yn y woeth a helgh an boghosek; bedhens i kechys gans an towlow a wrussons.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Lavarow Koth 11:3

Glander an re ewnhynsek a's kevarwoedh, mes kammder an re fals a's distru.

Lavarow Koth 13:17

Kannas dhrog a wra dhe dus koedha yn trobel, mes kannas lel a dheg yaghheans.

Habakkuk 3:7

My a welas tyldow Kushan yn ahwer, kroglennow tyldow bro Midyan a gren.

Niverow 22:10

Ha Balaam a leveris dhe Dhuw, ‘Balak mab Sippor, myghtern Moab, re dhannvonas dhymm, ow leverel,

Niverow 22:4

Ha Moab a leveris dhe henavogyon Midyan, ‘An routh ma a wra dybri pup-tra eus a-dro dhyn, par dell dheber an ojyon gwels an gwel.’ Ytho Balak mab Sippor, neb o myghtern Moab y'n termyn na,

Niverow 22:5

a dhannvonas kannasow dhe Balaam mab Beor dhe Pethor, usi ogas dhe'n avon, yn tir mebyon y bobel, dh'y elwel, ow leverel, ‘Otta, pobel re dheuth yn-mes a Ejyp; i a gudh enep an nor, hag ymons i trigys a-dal dhymm.

Niverow 23:10

Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Niverow 24:25

Ena Balaam a sevis, ha dehweles dh'y dyller; ha Balak ynwedh eth war y hyns.

Niverow 25:15

Ha hanow an Vidyanyades a veu ledhys o Kozbi myrgh Sur, hag o penn chi tasek yn Midyan.

Niverow 25:18

rag i re'th arvedhas gans aga felder, ganso ma'th hussons yn mater Peor, hag yn mater Kozbi, myrgh penntern Midyan, aga hwoer, a veu ledhys yn dydh an pla drefenn Peor.’

Niverow 31:16

Otta, an re ma a wrug dhe vebyon Ysrael, dre gusul Balaam, omdhegi yn tislel erbynn an Arloedh yn negys Peor, hag y teuth an pla yn mysk kuntelles an Arloedh.

Niverow 31:9

Ha mebyon Ysrael a gemmeras benynes Midyan yn kethneth ha'ga re vyghan; hag i a gemmeras yn preydh oll aga gwarthek, aga greow, hag oll aga gwara.

2 Peder 2:15

Ow kasa an fordh ewn, i a sowdhanas, ow siwya fordh Balaam mab Beor a garas gober droktra,

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 2:14

Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.