Niverow 31:23 - An Bibel Kernewek 20234 (Kernewek Kemmyn)

²³ pup-tra a yll sevel erbynn an tan, hwi a wra passya der an tan, hag y fydh glan. Byttegyns y fydh purhes ynwedh gans an dowr a lanheans; ha pyth pynag na yll sevel erbynn an tan, hwi a wra passya dre dhowr.

Niverow 31:23 ပူးပေါင်းရင်းမြစ်များ

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Eksodus 19:14

Ytho Moyses a dhiyskynnas a'n menydh dhe'n bobel ha sakra an bobel; hag i a wolghas aga dillas.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Levitikus 11:32

Ha pypynag may koedh nebonan anedha warnodho hag ev marow, a vydh avlan, kyn fo lester prenn, po dillas po kneus po sagh. Py lester pynag a vo mayth yw ober gwrys ynno a dal bos gorrys yn dowr hag y fydh avlan bys y'n gorthugher. Ena y fydh glan.

Levitikus 15:17

Ha pub dillas ha pub kneus ha warnodho has, a vydh golghys gans dowr, ha pesya avlan bys y'n gorthugher.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Niverow 19:17

Rag an den avlan i a gemmer neppyth a lusu losk an offrynn pegh ha dowr ow resek a vydh keworrys yn lester;

Niverow 19:9

Ha gour neb yw glan a wra kuntell lusu an lejek, ha'ga gorra yn-mes a'n kamp yn tyller glan; hag i a vydh gwithys rag kuntelles mebyon Ysrael rag an dowr a lanheans, rag dileans pegh.

Niverow 31:22

Mes an owr, an arghans, an brons, an horn, an sten, ha'n plomm,

Niverow 31:24

Res yw dhywgh golghi agas dillas y'n seythves dydh, ha hwi a vydh glan; hag a-wosa hwi a wra dos a-ji dhe'n kamp.’

Niverow 8:7

Hag yndellma ty a wra dhedha, dh'aga glanhe: gwra skoellya dowr an glanheans warnedha, ha gas i dhe vos gans altenn war oll aga horf, ha golghi aga dillas hag omlanhe.

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

1 Korinthianys 3:13

ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

Efesianys 5:26

ma's gwrella sans, orth hy glanhe dre wolghas an dowr der an ger,

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

1 Peder 4:12

Karadowyon, na vedhewgh sowdhenys a'n prevyans gans tan usi genowgh rag agas previ, kepar ha pan ve neppyth ankoth ow koedha warnowgh.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.