Niverow 31:15 - An Bibel Kernewek 20234 (Kernewek Kemmyn)

¹⁵ Ha Moyses a leveris dhedha, ‘A essowgh oll an benynes dhe vewa?

Niverow 31:15 ပူးပေါင်းရင်းမြစ်များ

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Niverow 31:14

Ha Moyses o serrys orth soedhogyon an lu, kaptenyon milyow ha kaptenyon kansow, re dhothya a servis y'n vresel.

Dewteronomi 2:34

Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 20:13

An Arloedh dha Dhuw a's re y'th leuv, ha ty a wysk pub gorreydh ynni gans min an kledha,

Dewteronomi 20:14

mes an benynes ha'n fleghigyow ha'n chatel ha pup-tra eus y'n dre, oll an preydh anedhi, ty a byll ragos dha honan, ha dybri preydh dha eskerens a wrug an Arloedh dha Dhuw y ri dhis.

Yoshua 10:40

Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

Yoshua 6:21

Ena i a sakras dhe dhistruans gans min an kledha oll esa y'n sita, gwer ha benynes, gwer yowynk ha hen, oghen, deves hag asenes.

Yoshua 8:25

Niver an re a goedhas y'n jydh na, gwer ha benynes, o dewdhek mil – oll poblans Ay.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’