Niverow 30:13 - An Bibel Kernewek 20234 (Kernewek Kemmyn)

¹³ Ambos pynag, po dedhewadyowyow tes pynag dhe omjastia, hy gour a yll selya, po hy gour a yll dilea.

Niverow 30:13 ပူးပေါင်းရင်းမြစ်များ

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Salmow 35:13

Pan ens i klav, my a omwiskas yn yskar, hag uvelhe ow enev gans penys, ha'm pysadow a dhehwelis heb gorthyp.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 23:27

Y'n degves dydh a'n seythves mis, y fydh dydh dehwelyans; y fydh kuntelles sans ragowgh, ha hwi a omjasti hag offrynna offrynn dre dan dhe'n Arloedh.

Levitikus 23:32

Y fydh sabot solem ragowgh ha hwi a omjasti. Yn nawves dydh an mis y'n gorthugher, a'n gorthugher bys y'n gorthugher hwi a with agas sabot.

Niverow 29:7

Y'n degves dydh a'n seythves mis ma hwi a'gas bydh kuntelles sans, hag omjastia; ny wrewgh ober arvethys.

Niverow 30:12

Mes mar kwra hy gour aga dilea y'n jydh ma's klew, ena pyth pynag a dheffo a'y diwweus a-dro dh'y ambosow, po a-dro dh'y dedhewadyow, ny wra sevel: hy gour re's dileas, ha'n Arloedh a wra gava dhedhi.

Niverow 30:14

Mes mar ny lever hy gour travyth dhedhi a dhydh dhe dhydh, ena ev a sel oll hy ambosow, po oll hy dedhewadyowyow, usi warnedhi; ev re's selyas drefenn na leveris travyth dhedhi y'n jydh ma's klewas.

1 Korinthianys 11:3

Mes my a vynn orthowgh godhvos bos Krist penn pub gour ha bos an gour penn benyn ha bos Duw penn Krist.

1 Korinthianys 11:9

yn tevri, gour ny veu gwrys rag benyn, mes benyn rag gour.

1 Korinthianys 7:5

Na skonyewgh an eyl orth y gila, marnas, martesen, der akordyans rag termyn, mayth omryllowgh hwi dhe bysadow; mes ena dewgh war-barth arta ma na'gas dynnyo Satnas der agas fowt omrewl.